Cct850x100 1
1800px x h300px kh

កូវីដបំប្លែងខ្លួនថ្មី«អូមីក្រុង»បានរីករាលដាលយ៉ាងតិច ៣៨ ប្រទេស

អន្តរជាតិ
/
អ្នកយកព័ត៌មាន:
លី ម៉ាលីង
/
កូវីដបំប្លែងខ្លួនថ្មី«អូមីក្រុង»បានរីករាលដាលយ៉ាងតិច ៣៨ ប្រទេស ប្រភពរូប៖ ស៊ីនហួរ

អន្តរជាតិ៖ បន្ទាប់ពីកូវីដ១៩បំប្លែងខ្លួនថ្មី«អូមីក្រុង» ត្រូវបានអង្គការសុខភាពពិភពលោកចុះក្នុងបញ្ជីថាជាប្រភេទវីរុសចម្លងលឿន ដែលត្រូវការការយកចិត្តទុកដាក់ វាបានរីករាលដាលនៅក្នុងប្រទេសជាច្រើនក្នុងរយៈពេលតិចជាងពីរសប្តាហ៍។

លោកស្រី Maria Van Kelkhoff ដែលជាប្រធានផ្នែកបច្ចេកវិទ្យានៃ WHO បាននិយាយកាលពីពេលថ្មីៗនេះថា កូវីដ១៩បំប្លែងខ្លួនថ្មី«អូមីក្រុង» បានរីករាលដាលដល់ ៦ តំបន់នៃពិភពលោកដែលបែងចែកដោយអង្គការនេះ ហើយប្រទេសនិងតំបន់សរុបចំនួន ៣៨ បានរាយការណ៍ពីករណីវិជ្ជមាន។ អ្នកជំនាញខ្លះក៏បាននិយាយផងដែរថា ការរីករាលដាលពិតប្រាកដនៃកូវីដ១៩បំប្លែងខ្លួនថ្មី«អូមីក្រុង» អាចលើសពីតំបន់ដែលករណីនេះត្រូវបានរាយការណ៍។

នៅថ្ងៃទី ៩ ខែវិច្ឆិកា អាហ្រ្វិកខាងត្បូងបានរកឃើញមេរោគឆ្លងវីរុសប្រភេទថ្មី B.1.1.529 ពីគំរូករណី ហើយរាយការណ៍ការរកឃើញនេះទៅ WHO នៅថ្ងៃទី ២៤ ។ នៅថ្ងៃទី ២៦ អង្គការសុខភាពពិភពលោកបានដាក់ឈ្មោះវាថាប្រភេទកូវីដ១៩បំប្លែងខ្លួនថ្មី«អូមីក្រុង» ហើយបានចុះបញ្ជីវាជាប្រភេទវីរុសព្រួយបារម្ភ និងត្រូវការការយកចិត្តទុកដាក់ ។

បន្ថែមពីលើបណ្តាប្រទេសនៅទ្វីបអាហ្រ្វិកដូចជា អាហ្រ្វិកខាងត្បូង បូតស្វាណា នីហ្សេរីយ៉ា ហ្គាណា និងហ្ស៊ីមបាវ៉េ ដែលបានរាយការណ៍ករណីនៃកូវីដ១៩បំប្លែងខ្លួនថ្មី«អូមីក្រុង» ធ្វើឲ្យប្រទេសអាហ្វ្រិកជាច្រើនទៀតថ្មីៗនេះ បានរកឃើញករណីវិជ្ជមានវីរុសនេះ។

វីរុសកូវីដ១៩បំប្លែងខ្លួនថ្មី«អូមីក្រុង» ត្រូវបានរកឃើញនៅក្នុងទ្វីបអាហ្រ្វិក ប៉ុន្តែវាក៏បានជ្រៀតចូលទៅក្នុងទ្វីបអឺរ៉ុប និងរីករាលដាលយ៉ាងឆាប់រហ័សផងដែរ។ បែលហ្សិក គឺជាប្រទេសអឺរ៉ុបដំបូងគេដែលរាយការណ៍ករណីឆ្លងកូវីដ១៩បំប្លែងខ្លួនថ្មី«អូមីក្រុង»។ ក្រោយមក ប្រទេសអ៊ីតាលី អាឡឺម៉ង់ ហូឡង់ និងបណ្តាប្រទេសអឺរ៉ុបផ្សេងទៀតក៏បានរាយការណ៍ពីការរកឃើញករណីវិជ្ជមានវីរុសនេះដែរ។

ប្រព័ន្ធផ្សព្វផ្សាយបារាំងជាច្រើនបានរាយការណ៍កាលពីថ្ងៃទី ៣០ខែវិច្ឆិកាថាករណីដំបូងនៃការឆ្លងកូវីដ១៩បំប្លែងខ្លួនថ្មី«អូមីក្រុង» បានកើតឡើងនៅក្នុងប្រទេសបារាំង ដែលមានទីតាំងនៅ កោះ Reunion ។ ក្រសួងសុខាភិបាលបារាំងបានជូនដំណឹងនៅថ្ងៃ២ ខែធ្នូថា ករណីដំបូងនៃការឆ្លងកូវីដ១៩បំប្លែងខ្លួនថ្មី«អូមីក្រុង» ត្រូវបានរកឃើញនៅក្នុងប្រទេសបារាំង។

ទីភ្នាក់ងារសុខភាព និងសុវត្ថិភាពរបស់ចក្រភពអង់គ្លេស បានបញ្ជាក់នៅថ្ងៃទី ៥ ខែធ្នូថា ករណីថ្មីចំនួន ៨៦ នៃការឆ្លងកូវីដ១៩បំប្លែងខ្លួនថ្មី«អូមីក្រុង» ត្រូវបានបន្ថែមនៅក្នុងចក្រភពអង់គ្លេសនៅថ្ងៃនោះ ហើយសរុបចំនួន ២៤៦ ករណីនៃវីរុសនេះត្រូវបានរកឃើញ។ ករណីឆ្លងមួយចំនួនដែលបានរកឃើញនៅក្នុងចក្រភពអង់គ្លេសមិនមានប្រវត្តិធ្វើដំណើរនាពេលថ្មីៗនេះទេ ដែលមានន័យថាមានករណីឆ្លងសហគមន៍នៃកូវីដ១៩បំប្លែងខ្លួនថ្មី«អូមីក្រុង» នេះ។

ទីភ្នាក់ងារត្រួតពិនិត្យសុខុមាលភាពសាធារណៈ និងការការពារសិទ្ធិអ្នកប្រើប្រាស់សហព័ន្ធរុស្ស៊ី បាននិយាយកាលពីថ្ងៃទី 6 ខែធ្នូថា ប្រទេសរុស្ស៊ីបានរកឃើញករណីឆ្លងកូវីដ១៩បំប្លែងខ្លួនថ្មី«អូមីក្រុង» ចំនួនពីរករណីជាលើកដំបូង។

ទោះបីជាប្រទេស និងតំបន់ជាច្រើនបានអនុវត្តវិធានការត្រួតពិនិត្យព្រំដែន រួមទាំងការហាមប្រាមក្នុងការធ្វើដំណើរដើម្បីការពារការរីករាលដាលនៃកូវីដ១៩បំប្លែងខ្លួនថ្មី«អូមីក្រុង» ក៏ដោយក៏ជំងឺនេះនៅតែរីករាលដាលដល់ប្រទេសជាច្រើនទៀត។

អាមេរិកបានរកឃើញករណីឆ្លងកូវីដ១៩បំប្លែងខ្លួនថ្មី«អូមីក្រុង» ដំបូងគេនៅក្នុងទីក្រុង San Francisco រដ្ឋ California កាលពីថ្ងៃទី ១ ខែធ្នូ។ យោងតាមទិន្នន័យពីមជ្ឈមណ្ឌលគ្រប់គ្រង និងការពារជំងឺនៃសហរដ្ឋអាមេរិក គិតត្រឹមថ្ងៃទី ៥ យ៉ាងហោចណាស់រដ្ឋចំនួន ១៦ នៅសហរដ្ឋអាមេរិកបានរាយការណ៍ករណីឆ្លងវីរុសនេះ។

ក្រៅពីនេះ ប្រទេសមួយចំនួននៅអាស៊ី អាមេរិកខាងត្បូង និងអូសេអានី ក៏បានរកឃើញ កូវីដ១៩បំប្លែងខ្លួនថ្មី«អូមីក្រុង» ផងដែរ។ មកទល់ពេលនេះ WHO មិនទាន់ទទួលបានរបាយការណ៍អំពីការស្លាប់ទាក់ទងនឹងជំងឺកូវីដ១៩បំប្លែងខ្លួនថ្មី«អូមីក្រុង» ទេ។ ហើយមិនមានទិន្នន័យស្រាវជ្រាវជាប្រព័ន្ធស្តីពីការរីករាលដាល ភ្នាក់ងារបង្កជំងឺ ហានិភ័យនៃការឆ្លងមេរោគបន្ទាប់បន្សំ និងសមត្ថភាពគេចចេញពីភាពស៊ាំនៃវីរុសនេះនៅលើពិភពលោក។ អ្នកជំនាញអាមេរិកមួយចំនួនជឿថា វានឹងចំណាយពេលច្រើនសប្តាហ៍ដើម្បីស្វែងយល់បន្ថែមអំពីកូវីដ១៩បំប្លែងខ្លួនថ្មី«អូមីក្រុង» នេះ៕

Khcct banner

អត្ថបទទាក់ទង