Cc time
Cct850x100 1
Sme laon web banner(1800 x 300)

មេបញ្ជាការកងទ័ពអាកាសអាហ្វហ្គានីស្ថានឱ្យអ្នកបើកយន្តហោះដែលរត់គេចខ្លួនត្រឡប់មកវិញ

អន្តរជាតិ
/
អ្នកយកព័ត៌មាន:
លី ម៉ាលីង
/
មេបញ្ជាការកងទ័ពអាកាសអាហ្វហ្គានីស្ថានឱ្យអ្នកបើកយន្តហោះដែលរត់គេចខ្លួនត្រឡប់មកវិញ ប្រភពរូប៖ ស៊ីនហួរ

អាហ្វហ្គានីស្ថាន៖ មេបញ្ជាការកងទ័ពអាកាសស្តីទីរបស់អាហ្វហ្គានីស្ថានលោក Mawlawi Amanudin Mansoor បានអំពាវនាវដល់អ្នកបើកយន្តហោះ ដែលបានបម្រើការនៅក្រោមរដ្ឋាភិបាលមុន ឱ្យត្រឡប់ទៅធ្វើការវិញ ហើយចូលរួមជាមួយកងទ័ពអាកាសបច្ចុប្បន្ន។ ការអំពាវនាវនេះ ធ្វើឡើងនៅក្នុងសមយុទ្ធយោធានាពេលថ្មីៗនេះ ដែលធ្វើឡើងនៅទីក្រុង Mazar-i-Sharif ភាគខាងជើងប្រទេស។

លោក Mansoor ត្រូវបានដកស្រង់សម្តី ដោយប្រព័ន្ធផ្សព្វផ្សាយក្នុងស្រុក Tolo News ដោយនិយាយថា អាកាសយានិក ដែលត្រូវបានបណ្តុះបណ្តាលនិងបម្រើនៅក្រោរដ្ឋាមភិបាលមុន និងអ្នកបើកយន្តហោះ ដែលបានភៀសខ្លួនចេញពីប្រទេសគួរតែត្រលប់មកវិញ ហើយពួកគេនឹងត្រូវបានជ្រើសរើសឱ្យចូលបម្រើក្នុងកងទ័ពអាកាសវិញ។

លោក Mansoor បាននិយាយថា នៅពេលដ៏ខ្លីខាងមុខនេះ លោកនឹងប្រមូលព័ត៌មានពីគ្រប់អាកាសយានដ្ឋានទាំងអស់ ដើម្បីមើលថាតើមានប៉ុន្មានអាចដំណើការបាន និងខូចខាតប៉ុន្មាន។

ទ័ពអាកាសអាហ្វហ្គានីស្ថានរាប់រយនាក់ រួមទាំងអាកាសយានិក សហអាកាសយានិក និងអ្នកបច្ចេកទេស បានចាកចេញពីប្រទេសអាហ្វហ្គានីស្ថាន បន្ទាប់ពីការកាន់កាប់ប្រទេស ដោយពួកតាលីបង់ និងការដកទ័ពអាមេរិកចេញពីប្រទេសក្នុងខែសីហា៕

Khcct banner

អត្ថបទទាក់ទង