Cct850x100 1
1800px x h300px kh

ថៃរកឃើញករណីឆ្លងកូវីដ១៩ចំនួនជាង៧ពាន់នាក់បន្ថែមនៅថ្ងៃនេះ

អន្តរជាតិ
/
អ្នកយកព័ត៌មាន:
លី ម៉ាលីង
/
ថៃរកឃើញករណីឆ្លងកូវីដ១៩ចំនួនជាង៧ពាន់នាក់បន្ថែមនៅថ្ងៃនេះ ប្រភពរូប៖ Nation Thailand

ថៃ៖ ប្រទេសថៃ បានរកឃើញករណីឆ្លងកូវីដ១៩ ចំនួន ៧,៣០៥ នាក់បន្ថែមទៀត និងអ្នកស្លាប់ថ្មីចំនួន ៥១ នាក់ នៅថ្ងៃទី១២ ខែវិច្ឆិកា នេះ។

ក្រសួងសុខាភិបាលថៃ បានរាយការណ៍ថា ក្នុងរយៈពេល ២៤ ម៉ោងចុងក្រោយនេះ មានអ្នកជំងឺថ្មីចំនួន ៧,៣០៥ នាក់បន្ថែមទៀត ដែលបានធ្វើតេស្តិ៍វិជ្ជមានជំងឺកូវីដ១៩ ក្នុងនោះមាន ៣២០ នាក់ បានរកឃើញនៅក្នុងពន្ធធនាគារ។

ខណៈអ្នកជំងឺ ៧,៩០០ នាក់ បានជាសះស្បើយនិងអនុញ្ញាតឱ្យចាកចេញពីមន្ទីរពេទ្យ។ ហើយករណីសរុបនៅក្នុងប្រទេសនេះ បានកើនឡើងចំនួន ២,០០៤,២៧៤ នាក់ ជាមួយនឹងករណីស្លាប់សរុបចំនួន ១៩,៩៣៤ នាក់។

ដោយឡែកមនុស្ស ២២០,០៣៧ នាក់ បានទទួលការចាក់វ៉ាក់សាំងលើកដំបូង ក្នុងរយៈពេល ២៤ ម៉ោងចុងក្រោយនេះ ក្នុងនោះ ៥២,៨០៤ នាក់បានចាក់លើកទី២ និង ៣៤,៤៨៧ នាក់បានចាក់វ៉ាក់សាំងដូសទី៣ ដែលនាំឱ្យចំនួនវ៉ាក់សាំងសរុប ដែលបានគ្រប់គ្រងទូទាំងប្រទេសដល់ ៨៣,៣២០,៦២១៕

Khcct banner

អត្ថបទទាក់ទង