Cct850x100 1
1800px x h300px kh

អាស៊ានចាប់ផ្តើមកិច្ចប្រជុំកំពូលក្នុងរបៀបវារៈនៃការស្តារសេដ្ឋកិច្ចក្នុងតំបន់ឡើងវិញ

អន្តរជាតិ
/
អ្នកយកព័ត៌មាន:
លី ម៉ាលីង
/
អាស៊ានចាប់ផ្តើមកិច្ចប្រជុំកំពូលក្នុងរបៀបវារៈនៃការស្តារសេដ្ឋកិច្ចក្នុងតំបន់ឡើងវិញ ប្រភពរូប៖ ស៊ីនហួរ

ប្រ៊ុយណេ៖ កិច្ចប្រជុំកំពូលនឹងពិភាក្សាអំពីការពង្រឹងភាពធន់របស់អាស៊ាន ដើម្បីសម្រេចបាននូវការងើបឡើងវិញនៃសេដ្ឋកិច្ចពីជំងឺរាតត្បាត និង រួមគ្នាដោះស្រាយបញ្ហាប្រឈមនានា ដោយចាប់យកឱកាសថ្មីដើម្បីបន្តភាពរុងរឿងរួមគ្នា និងការរក្សាកិច្ចសហប្រតិបត្តិការដើម្បីសម្រេចបាននូវគោលដៅរយៈពេលវែង។

ថ្ងៃទី ២៦ ខែតុលា នេះ សមាគមប្រជាជាតិអាស៊ីអាគ្នេយ៍ (អាស៊ាន) បានចាប់ផ្តើមកិច្ចប្រជុំកំពូលលើកទី ៣៨ និង ៣៩ របស់ខ្លួន ក្រោមការដឹកនាំរបស់ព្រុយណេតាមរយៈវីដេអូជាមួយនឹងការប្រយុទ្ធប្រឆាំងនឹងជំងឺរាតត្បាតកូវីដ១៩ និងការលើកកម្ពស់ការងើបឡើងវិញនៃសេដ្ឋកិច្ច។

ថ្លែងក្នុងពិធីបើក ស្តេច Sultan Hassanal Bolkiah នៃប្រទេសប្រ៊ុយណេបានមានថ្លែងថា រដ្ឋសមាជិកអាស៊ាន នឹងឆ្លៀតយកឱកាសនេះដើម្បីពិចារណាលើកិច្ចខិតខំប្រឹងប្រែងកសាងសហគមន៍របស់អាស៊ានក្នុងការសម្រេចបាននូវចក្ខុវិស័យសហគមន៍អាស៊ានឆ្នាំ ២០២៥។

នៅក្នុងប្រជុំនេះ បណ្តាប្រទេសអាស៊ានក៏នឹងពិភាក្សាអំពីបញ្ហាផ្សេងទៀត រួមទាំងការពង្រឹងភាពរឹងមាំបន្ថែមទៀត ឆ្ពោះទៅរកការងើបឡើងវិញពីជំងឺរាតត្បាត COVID-19 ក្នុងតំបន់ និងការពង្រឹងកិច្ចសហប្រតិបត្តិការជាមួយដៃគូសន្ទនា។

លោក Lim Jock Hoi អគ្គលេខាធិការអាស៊ាន បាននិយាយនៅក្នុងសុន្ទរកថា ទោះបីជាមានការប្រឈមនឹងការរាតត្បាតនៃជំងឺកូវីដ-១៩ ក៏ដោយ ក៏ទស្សនវិស័យសេដ្ឋកិច្ចរបស់អាស៊ាននៅតែមានភាពរឹងមាំ។ ហើយការងើបឡើងវិញនៃសេដ្ឋកិច្ចរបស់អាស៊ាន នឹងពឹងផ្អែកលើការចែកចាយវ៉ាក់សាំងកាន់តែច្រើនឡើងៗនៅទូទាំងតំបន់ ដែលនឹងធានាបាននូវការបន្តទទួលបានវ៉ាក់សាំងដោយយុត្តិធម៌ និងគួរឱ្យទុកចិត្តសម្រាប់ប្រជាជនទាំងអស់។

កិច្ចប្រជុំកំពូលអាស៊ាន ក្រោមប្រធានបទ "យើងយកចិត្តទុកដាក់ យើងរៀបចំ យើងរីកចម្រើន" គ្រោងនឹងពិភាក្សាលើបញ្ហាមួយចំនួន រួមទាំងការពង្រឹងបន្ថែមទៀតនូវភាពរឹងមាំនៃសហគមន៍អាស៊ាន ឆ្ពោះទៅរកការងើបឡើងវិញពីជំងឺរាតត្បាតកូវីដ-១៩ ក្នុងតំបន់ ពង្រឹងការត្រៀមលក្ខណៈរបស់អាស៊ានក្នុងការដោះស្រាយបញ្ហាប្រឈមរួម ការចាប់យកឱកាសថ្មីក្នុងការស្វែងរកភាពរុងរឿងរួមគ្នា និងរក្សាកិច្ចសហប្រតិបត្តិការឆ្ពោះទៅសម្រេចបាននូវគោលដៅរយៈពេលវែងក្នុងតំបន់។

ដោយសារឆ្នាំនេះ ជាខួបលើកទី ៣០ នៃទំនាក់ទំនងកិច្ចសន្ទនាចិន-អាស៊ាន ការរំពឹងទុក ដែលកិច្ចប្រជុំកំពូលនាពេលខាងមុខ នឹងបង្ហាញពីជំពូកថ្មីសម្រាប់ទំនាក់ទំនងដែលបានរីកចម្រើនពីភាពរឹងមាំទៅភាពរឹងមាំ និងឆ្លងកាត់ការលំបាក និងបញ្ហាប្រឈមនានា រួមទាំងជំងឺរាតត្បាតផងដែរ។

ទន្ទឹមនឹងនេះ ទាំងសមាជិកអាស៊ាន និងដៃគូសន្ទនារបស់ពួកគេសង្ឃឹមថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មដ៏ធំរវាងប្រទេសសមាជិកអាស៊ានទាំង១០ បូកនឹងប្រទេសចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់ ដែលបានចុះហត្ថលេខាកាលពីខែវិច្ឆិកាកន្លងទៅ នឹងចូលជាធរមានក្នុងពេលឆាប់ៗនេះ ដើម្បីលើកកម្ពស់ពាណិជ្ជកម្ម និងការវិនិយោគក្នុងតំបន់ ដូច្នេះវាជួយដល់ការស្តារសេដ្ឋកិច្ចឡើងវិញក្រោយការរាតត្បាត ក្នុងតំបន់។

អាស៊ាន ត្រូវបានបង្កើតឡើងនៅឆ្នាំ ១៩៦៧ ដោយមានប្រទេសចំនួណ១០ រួមមាន ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។ ហើយប្រ៊ុយណេជាប្រធានអាស៊ានសម្រាប់ឆ្នាំ ២០២១៕

Khcct banner

អត្ថបទទាក់ទង