ថៃ៖ ប្រទេសថៃ បានរកឃើញករណីឆ្លងកូវីដ១៩ ចំនួន ៩,៧២៧ នាក់បន្ថែមទៀត និងអ្នកស្លាប់ថ្មីចំនួន ៧៣ នាក់ នៅថ្ងៃទី១៩ ខែតុលានេះ។
ក្រសួងសុខាភិបាលថៃ បានរាយការណ៍ថា ក្នុងរយៈពេល ២៤ ម៉ោងចុងក្រោយនេះ មានអ្នកជំងឺថ្មីចំនួន ៩,៧២៧ នាក់បន្ថែមទៀត ដែលបានធ្វើតេស្តិ៍វិជ្ជមានជំងឺកូវីដ១៩ ក្នុងនោះមាន ៧១ ករណីរកឃើញនៅក្នុងពន្ធនាគារ។
ខណៈអ្នកជំងឺ ១០,០៧៥ នាក់ បានជាសះស្បើយនិងអនុញ្ញាតឱ្យចាកចេញពីមន្ទីរពេទ្យ។ ហើយករណីសរុបនៅក្នុងប្រទេសនេះ បានកើនឡើងចំនួន ១,៨២១,៥៧៩ នាក់ ជាមួយនឹងករណីស្លាប់សរុបចំនួន ១៨,៥៥៩ នាក់។
ដោយឡែកក្នុងរយៈពេល ២៤ ម៉ោងចុងក្រោយនេះមនុស្សចំនួន ៤២៨,៦៥៦ នាក់ បានទទួលការចាក់វ៉ាក់សាំងការពារកូវីដ១៩លើកដំបូង ចំនួន ៤៤៦,០១៥ នាក់ បានទទួលការចាក់វ៉ាក់សាំងលើកទី២ និងចំនួន ៤១,២៨៥ បានចាក់វ៉ាក់សាំងដូសជំរុញ ធ្វើចំនួនសរុបទូទាំងប្រទេសមានចំនួន ៦៨,៥០៣,០៥៨ នាក់៕
