Cct850x100 1
1800px x h300px kh

តាលីបង់កំពុងទន្ទឹងរង់ចាំការកសាងទំនាក់ទំនងជាមួយប្រទេសដទៃទៀត

អន្តរជាតិ
/
អ្នកយកព័ត៌មាន:
លី ម៉ាលីង
/
ឧបនាយករដ្ឋមន្ត្រីស្តីទីនៃរដ្ឋាភិបាលបណ្តោះអាសន្នអាហ្វហ្គានីស្ថានលោក អាប់ឌុល សាឡាម ហាណាហ្វី (Abdul Salam Hanafi) ប្រភពរូប៖ ស៊ីស៊ីធីវី

តាលីបង់៖ សមាជិកនៃក្រុមប្រតិភូតាលីបង់ ដែលបានចូលរួមកិច្ចប្រជុំអន្តរជាតិស្តីពីបញ្ហាអាហ្វហ្កានីស្ថាន ដែលរុស្ស៊ីធ្វើជាម្ចាស់ផ្ទះកាលពីថ្ងៃពុធបាននិយាយថា តាលីបង់កំពុងទន្ទឹងរង់ចាំការកសាងទំនាក់ទំនងល្អជាមួយប្រទេសដទៃទៀត។

គណៈប្រតិភូតាលីបង់ ដឹកនាំដោយឧបនាយករដ្ឋមន្ត្រីស្តីទីនៃរដ្ឋាភិបាលបណ្តោះអាសន្នអាហ្វហ្គានីស្ថានលោក អាប់ឌុល សាឡាម ហាណាហ្វី (Abdul Salam Hanafi) ក៏បានចាត់ទុកកិច្ចពិភាក្សាពហុភាគីនេះថា ជាឱកាសមួយដើម្បីទទួលបានការទទួលស្គាល់ពីសហគមន៍អន្តរជាតិ។

លោក ហាណាហ្វីបាននិយាយថា វាជាកិច្ចប្រជុំដ៏មានសារៈសំខាន់មួយ ដើម្បីទទួលស្គាល់តួនាទីរបស់ប្រទេសស្ដីពីសន្តិសុខក្នុងតំបន់ទាំងមូល និងវឌ្ឍនភាពនៅក្នុងតំបន់នេះ។ ហើយតាលីបង់ត្រូវការការគាំទ្រសន្តិភាពនៅអាហ្វហ្គានីស្ថាន។

តំណាងមកពីប្រទេសចំនួន ១០ រួមមាន រុស្ស៊ី ចិន ប៉ាគីស្ថាន អ៊ីរ៉ង់ ឥណ្ឌា កាហ្សាក់ស្ថាន កៀហ្ស៊ីស៊ីស្ថាន តាជីគីស្ថាន តាន់មេនីស្ថាន អ៊ូសបេគីស្ថាន និងគណៈប្រតិភូតាលីបង់កម្រិតខ្ពស់បានចូលរួមកិច្ចប្រជុំលើកទី ៣ នៃការពិគ្រោះយោបល់ទ្រង់ទ្រាយធំនៅទីក្រុងម៉ូស្គូស្តីពីអាហ្វហ្គានីស្ថាន។

នៅក្នុងសេចក្តីថ្លែងការណ៍រួមមួយ ដែលចេញដោយក្រសួងការបរទេសរុស្ស៊ីតាមអ៊ិនធរណេត បន្ទាប់ពីកិច្ចប្រជុំ អ្នកចូលរួមបានសម្តែងនូវតំរូវការសម្រាប់ការចូលរួមជាក់ស្តែងបន្ថែមទៀតជាមួយតាលីបង់។ប្រទេសដែលចូលរួមបាន ស្នើឱ្យមេដឹកនាំអាហ្វហ្គានីស្ថានបច្ចុប្បន្នចាត់វិធានការបន្ថែមទៀត ដើម្បីធ្វើឱ្យប្រសើរឡើងនូវអភិបាលកិច្ចនិងបង្កើតរដ្ឋាភិបាលរួមបញ្ចូលគ្នាយ៉ាងពិតប្រាកដ។

ពួកគេបានអំពាវនាវឱ្យទីក្រុងកាប៊ុល អនុវត្តគោលនយោបាយផ្ទៃក្នុងនិងក្រៅប្រទេស ប្រកបដោយភាពត្រឹមត្រូវនិងមានភាពរួសរាយរាក់ទាក់ជាមួយអ្នកជិតខាង។ ភាគីទាំងអស់ក៏ បានស្នើឱ្យមានសន្និសីទម្ចាស់ជំនួយអន្តរជាតិ ដែលមានមូលដ្ឋានទូលំទូលាយក្រោមការឧបត្ថម្ភរបស់អង្គការសហប្រជាជាតិឱ្យបានឆាប់តាមដែលអាចធ្វើទៅបាន។

ពួកគេបានសង្កត់ធ្ងន់ថា ការទទួលខុសត្រូវស្នូលនៃការស្ថាបនាឡើងវិញនូវសេដ្ឋកិច្ចនិងហិរញ្ញវត្ថុក្រោយការប៉ះទង្គិចគ្នា និងការអភិវឌ្ឍអាហ្វហ្គានីស្ថានត្រូវតែបានគាំទ្រ៕

Khcct banner

អត្ថបទទាក់ទង