អន្តរជាតិ៖ កិច្ចប្រជុំកំពូលពិសេសមេដឹកនាំ G20 ស្ដីពីបញ្ហាអាហ្វហ្កានីស្ថាន បានធ្វើឡើងនៅថ្ងៃទី ១២ តាមរយៈវីដេអូ។ កិច្ចប្រជុំនេះក៏បានពិភាក្សាអំពីបញ្ហាជនភៀសខ្លួនអាហ្វហ្គានីស្ថាន បញ្ហាសិទ្ធិមនុស្ស និងសមភាពយេនឌ័រ ព្រមទាំងការទទួលស្គាល់ផ្នែកនយោបាយរបស់រដ្ឋាភិបាលតាលីបង់។
លោក Draghi ជាប្រធានកិច្ចប្រជុំកំពូលពិសេសមេដឹកនាំ G20បាននិយាយនៅក្នុងសន្និសីទសារព័ត៌មានបន្ទាប់ពីកិច្ចប្រជុំថា អាហ្វហ្គានីស្ថានកំពុងប្រឈមមុខនឹងវិបត្តិមនុស្សធម៌កាន់តែធ្ងន់ធ្ងរឡើង ហើយក្រុមប្រទេស G20 មានទំនួលខុសត្រូវ ដើម្បីជួយអាហ្វហ្កានីស្ថានឲ្យមានស្ថិរភាព ស្ថានភាព និងដោះស្រាយបញ្ហាឱ្យបានឆាប់តាម ដែលអាចធ្វើទៅបាន។ កិច្ចប្រជុំនេះ បានពិភាក្សាអំពីវិធីការពារការរីករាលដាលកូវីដ១៩ និងរកវិធីការពារអាហ្វហ្កានីស្ថានពីការក្លាយជាទីជម្រកសុវត្ថិភាពរបស់ភេរវកម្មអន្តរជាតិ។
លោក Draghi បានបន្តថា កិច្ចប្រជុំនេះក៏បានពិភាក្សាអំពីបញ្ហាជនភៀសខ្លួនអាហ្វហ្គានីស្ថាន បញ្ហាសិទ្ធិមនុស្ស និងសមភាពយេនឌ័រ ព្រមទាំងការទទួលស្គាល់ផ្នែកនយោបាយរបស់រដ្ឋាភិបាលតាលីបង់។ អ្នកចូលរួមបានឈានដល់ការមូលមតិគ្នាដ៏ធំបំផុតលើបញ្ហានៃការឆ្លើយតបទៅនឹងវិបត្តិមនុស្សធម៌នៅអាហ្វហ្គានីស្ថាន។
យោងតាមសេចក្តីប្រកាសព័ត៌មាន ដែលចេញដោយភាគីអ៊ីតាលី កិច្ចប្រជុំបានសន្និដ្ឋានថា ប្រសិនបើប្រព័ន្ធសេដ្ឋកិច្ចនិងហិរញ្ញវត្ថុអាហ្វហ្គានីស្ថានដួលរលំ វានឹងជះឥទ្ធិពលយ៉ាងធ្ងន់ធ្ងរដល់ជីវិតរបស់ប្រជាជន និងស្ថិរភាពរបស់អាហ្វហ្គានីស្ថាននិងប្រទេសជិតខាង។ តួនាទីសំខាន់ក្នុងការដោះស្រាយវិបត្តិនៅអាហ្វហ្គានីស្ថាន សហគមន៍អន្តរជាតិ G20 នឹងត្រូវកេណ្ឌដើម្បីគាំទ្រយ៉ាងពេញទំហឹង ដល់ប្រតិបត្តិការពាក់ព័ន្ធរបស់អង្គការសហប្រជាជាតិ និងឆ្លើយតបយ៉ាងសកម្មចំពោះការអំពាវនាវរបស់អង្គការសហប្រជាជាតិសម្រាប់ជំនួយមនុស្សធម៌។
នៅក្នុងកិច្ចប្រជុំនេះជឿជាក់ថា សន្តិសុខនិងការអភិវឌ្ឍមានទំនាក់ទំនងយ៉ាងជិតស្និទ្ធហើយអាហ្វហ្គានីស្ថាន មិនអាចក្លាយជាជម្រកសុវត្ថិភាពសម្រាប់អំពើភេរវកម្មអន្តរជាតិបានទេ ហើយក្រុមប្រទេស G20 នឹងបន្តផ្តល់ការគាំទ្រដល់ស្ត្រីនិងក្មេងស្រីអាហ្វហ្គានីស្ថាន ដោយជំនួយមនុស្សធម៌គួរតែយកចិត្តទុកដាក់ជាពិសេសចំពោះក្រុមងាយរងគ្រោះ៕
