ការអំពាវនាវដើម្បីហាមឃាត់ក្រុមគាំទ្រហ្វាស៊ីសនិយមបានកើនឡើងបន្ទាប់ពីការវាយប្រហារ

រ៉ូម៖ អ្នកតាក់តែងច្បាប់និងអ្នកនយោបាយអ៊ីតាលី ដែលប្រកាន់ឆ្វេងនិយមកាលពីថ្ងៃអាទិត្យ បានអំពាវនាវឱ្យមានវិធានការណ៍ប្រឆាំងក្រុមគាំទ្រហ្វាស៊ីសនិយមមួយថ្ងៃ បន្ទាប់ពីក្រុមអ្នកតវ៉ាប្រឆាំងវ៉ាក់សាំងដែលត្រូវបានញុះញង់ដោយមេដឹកនាំស្តាំនិយម បានសម្រុកចូលការិយាល័យសហជីពមួយនៅទីក្រុងរ៉ូម។

ក្រុមអាជ្ញាធរបាននិយាយកាលពីថ្ងៃអាទិត្យថា អ្នកតវ៉ាចំនួន ១២ នាក់ត្រូវបានឃាត់ខ្លួនរួមទាំងលោក Giuliano Castellino មេដឹកនាំគណបក្ស Forza Nuova ប្រកាន់ស្តាំនិយម។ ក្រុមបាតុករប្រមាណ ១ ម៉ឺននាក់ បានចេញមកនៅថ្ងៃសៅរ៍ ដើម្បីសម្តែងការខឹងសម្បាររបស់ពួកគេចំពោះតម្រូវការដែលកំណត់ដោយរដ្ឋាភិបាល «និយោជិកមានប័ណ្ណពណ៌បៃតងបន្ទាប់ពីចាក់វ៉ាក់សាំង ឬ “Green Pass” ទើបអាចចូលទៅកន្លែងធ្វើការរបស់ពួកគេបាន ដោយចាប់ពីថ្ងៃសុក្រសប្តាហ៍ក្រោយ»។ ចំពោះលិខិតឆ្លងដែនបញ្ជាក់ថា មនុស្សម្នាក់បានទទួលវ៉ាក់សាំងការពារជំងឺកូវីដ១៩ យ៉ាងតិចមួយដូស អ្នកទើបជាសះស្បើយពីកូវីដ១៩ និងអ្នកធ្វើតេស្តអវិជ្ជមានក្នុងរយៈពេលពីរថ្ងៃ។

Castellino ដែលដោយសារតែអំពើហឹង្សាកន្លងមក ត្រូវបានហាមឃាត់មិនឱ្យធ្វើបាតុកម្មនៅទីក្រុងរ៉ូម ត្រូវបានគេចោទប្រកាន់ថា ជាសមាជិកម្នាក់ក្នុងចំណោមសមាជិក Forza Nuova ដែលបានដាស់តឿនអ្នកគាំទ្រឱ្យសម្រុកចូលទីស្នាក់ការកណ្តាលជាតិនៃសហព័ន្ធការងារ។ សហជីពការងារនៅប្រទេសអ៊ីតាលី បានគាំទ្រ «Green Passes» ដើម្បីធ្វើឱ្យកន្លែងធ្វើការមានសុវត្ថិភាពសម្រាប់បុគ្គលិក។

បាតុករជាច្រើននាក់បានប្រើដំបង រនាំងដែក និងទង់ជាតិអ៊ីតាលី ដើម្បីគោះទ្វារ ហើយបន្ទាប់មកវាយបំបែកតាមបង្អួចដើម្បីចូលទៅក្នុង។ ក្រោយមកបាតុកររាប់រយនាក់បានប៉ះទង្គិចជាមួយប៉ូលីសខណៈដែលពួកគេព្យាយាមចូលទៅដល់ទីលាននៅខាងក្រៅ វិមានCGIL ដែលជាការិយាល័យនាយករដ្ឋមន្ត្រី នៅជិតសភាអ៊ីតាលី។

ក្នុងចំណោមអ្នកដែលអំពាវនាវឱ្យមានការហាមឃាត់ក្រុមគាំទ្រហ្វាស៊ីសនិយម គឺលោក Giuseppe Conte អតីតនាយករដ្ឋមន្ត្រីអ៊ីតាលីនិងជាមេដឹកនាំថ្មីនៃចលនាផ្កាយ ៥ របស់ប្រជាជន។

រដ្ឋធម្មនុញ្ញអ៊ីតាលី បានហាមឃាត់រាល់ការបង្កើតគណបក្សហ្វាស៊ីសឡើងវិញ បន្ទាប់ពីការដួលរលំនៃរបបផ្តាច់ការហ្វាស៊ីសរបស់ បេនីតូ មូសូលីនី មុននិងអំឡុងសង្គ្រាមលោកលើកទី ២ ។

សមាជិកសភាគណបក្សប្រជាធិបតេយ្យម្នាក់លោក Emanuele Fiano បាននិយាយថាលោកនឹងធ្វើបទបង្ហាញមួយនៅក្នុងសភានៅថ្ងៃច័ន្ទនេះដោយសង្កត់ធ្ងន់លើរដ្ឋាភិបាលរបស់លោកនាយករដ្ឋមន្រ្តី Mario Draghi ឱ្យធ្វើខុសច្បាប់ដោយក្រឹត្យ Forza Nuova និងចលនាស្រដៀងគ្នា។