មនុស្សជាង៥ពាន់នាក់ត្រូវបានជម្លៀសចេញបន្ទាប់ពីផ្ទុះភ្នំភ្លើងមួយនៅអេស្ប៉ាញ

អេស្ប៉ាញ៖ ភ្នំភ្លើង Cumbre Vieja បានផ្ទុះឡើងនៅកោះកាណារីប្រទេសអេស្ប៉ាញ បានបំផ្លាញផ្ទះប្រហែល ១០០ ខ្នង និងបង្ខំឲ្យមនុស្សចំនួន ៥.៥០០ នាក់ចាកចេញពីតំបន់នោះ។

ការផ្ទុះភ្នំភ្លើងនេះ បានបញ្ចោញផ្សែងខ្មៅដ៏ក្រាស់ទៅលើមេឃ និងមានកម្អែលភ្នំភ្លើងហូរចុះពីលើភ្នំមកកោះឡាប៉ាល់ម៉ា។ ភ្នំភ្លើងនេះ បានបំផ្លាញផ្ទះប្រហែល ១០០ ខ្នង នៅលើកោះកាណារី ប្រទេសអេស្ប៉ាញ មួយថ្ងៃបន្ទាប់ពីភ្នំភ្លើងមួយបានផ្ទុះឡើង ដែលបានបង្ខំឲ្យមនុស្សចំនួន ៥.៥០០ នាក់ចាកចេញពីតំបន់នេះ។

យោងតាមវិទ្យាស្ថានភ្នំភ្លើងរបស់កោះកាណារីបានឲ្យដឹងថា លំហូរកម្អែលភ្នំភ្លើង កំពុងធ្វើចលនាក្នុងល្បឿនប្រហែល ៧០០ ម៉ែត្រក្នុងមួយម៉ោង និងមានសីតុណ្ហភាពជិត ១០០០ អង្សាសេ (១.៨៣០ អង្សាហ្វារិនហៃ)៕