Cct850x100 1
1800px x h300px kh

ជប៉ុនរកឃើញជំងឺមហារីកបំពង់កលើកដំបូងដែលទាក់ទងនឹងគ្រោះថ្នាក់នុយក្លេអ៊ែរ

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ សារព័ត៌មានស៊ីនហួរ

តូក្យូ៖ ក្រសួងសុខាភិបាល ការងារនិងសុខុមាលភាពរបស់ប្រទេសជប៉ុន បានប្រកាសនៅថ្ងៃទី ៨ នេះថា បុរសពីរនាក់ត្រូវបានគេកំណត់អត្តសញ្ញាណថាមានជំងឺមហារីកបំពង់ក បន្ទាប់ពីបានចូលរួមសម្អាតរោងចក្រនុយក្លេអ៊ែរហ្វូគូស៊ីម៉ាដាអ៊ីឈី។ នេះគឺជាលើកទីមួយហើយ ដែលក្រសួងសុខាភិបាល ការងារនិងសុខុមាលភាពរបស់ប្រទេសជប៉ុន បានកំណត់អត្តសញ្ញាណជំងឺមហារីកបំពង់ក ដែលទាក់ទងនឹងគ្រោះថ្នាក់នុយក្លេអ៊ែរនៅហ្វូគូស៊ីម៉ា។

ចាប់តាំងពីគ្រោះថ្នាក់នៅហ្វូគូស៊ីម៉ាក្នុងឆ្នាំ ២០១១ ក្រសួងសុខាភិបាល ការងារ និងសុខុមាលភាពរបស់ប្រទេសជប៉ុន បានកំណត់អត្តសញ្ញាណកម្មករចំនួន ៦ នាក់ ដែលបានចូលរួមក្នុងការសម្អាតថា មានជំងឺមហារីកនៅកន្លែងធ្វើការរួមមាន ជំងឺមហារីកឈាម មហារីកទីរ៉ូអ៊ីត និងមហារីកសួត តែលើកនេះនេះជាលើកដំបូង ដែលមានករណីមហារីកបំពង់ក ត្រូវបានគេកំណត់ថាជាគ្រោះថ្នាក់ការងារ។

ក្រសួងសុខាភិបាល ការងារ និងសុខមាលភាពបានរាយការណ៍ថា ក្នុងចំណោមអ្នកជំងឺមហារីកបំពង់កទាំងពីរនាក់ មានបុគ្គលិកប្រុសអាយុ ៦០ ឆ្នាំ នៅ តេកូ និងបុរសម្នាក់ទៀតអាយុ ៤០ ឆ្នាំ នៅប្រតិបត្ដិការថាមពលអគ្គិសនីតូក្យូ។

បន្ទាប់ពីការលេចធ្លាយរោងចក្រថាមពលនុយក្លេអ៊ែរហ្វូគូស៊ីម៉ាដាអ៊ីឈីកាលពីខែមីនាឆ្នាំ ២០១១ បុរសទាំងពីរនាក់បានធ្វើការនៅក្នុងឧទ្យានរោងចក្រថាមពលនុយក្លេអ៊ែរ ដើម្បីសម្អាតកំទេចកំទីនិងវាស់ទិន្នន័យវិទ្យុសកម្មរៀងៗខ្លួននៅខែធ្នូឆ្នាំ ២០១៨ និងខែមករាឆ្នាំ ២០១៩ បានបញ្ជាក់ពីជំងឺមហារីកបំពង់ក ហើយអ្នកទាំងពីរបានដាក់ពាក្យស្នើសុំអត្តសញ្ញាណការងារ ជាអកុសលបុគ្គលិកប្រុសវ័យក្មេងបានស្លាប់ភ្លាមៗបន្ទាប់ពីធ្វើរោគវិនិច្ឆ័យ៕

Khcct banner

អត្ថបទទាក់ទង