ភ្នំពេញ៖ សម្ព័ន្ធសហជីពចលនាកម្មករ សំណូមពរដល់បណ្ដារោងចក្រកម្មករទាំងអស់ មេត្តារក្សាភាពស្ងៀមស្ងាត់ បន្តការងារជាធម្មតា និងចូលរួមអនុវត្តការសម្រេចរបស់រដ្ឋាភិបាល និងក្រសួងសុខាភិបាល ក្នុងការទប់ស្កាត់ការឆ្លងកូវីដ១៩។
ក្នុងសេចក្ដីប្រកាសបានបញ្ជាក់ថា ដើម្បីទប់ស្កាត់ការរីករាលដាល និងឆ្លងកូវី១៩ គឺមិនមានការជួបជុំ សាច់ញាតិ និងមិត្តភក្ភិ ជាពិសេសគឺការដើរហើរជួបជុំគ្នា ក្នុងឱកាសបុណ្យចូលឆ្នាំថ្មី នាថ្ងៃខាងមុខ។
គួរបញ្ជាក់ថា រាជរដ្ឋាភិបាលបានសម្រេចលើកថ្ងៃឈប់សម្រាកបុណ្យចូលឆ្នាំ និង តម្រូវឲ្យកម្មកររោងចក្រ សហគ្រាស និងស្ថាប័នរបស់រដ្ឋទំាងអស់ ត្រូវបន្តសកម្មភាពការងារធម្មតា ដែលនេះគឺជាវិធានការបង្កា និងទប់ស្កាត់ជំងឺកូវីដ១៩នេះ៕
