Cct850x100 1
1800px x h300px kh

អង់គ្លេសការពារការឆ្លងCOVID-19ដល់មនុស្សជាង២២លាននាក់បន្ទាប់ពីចាក់វ៉ាក់សាំង

អន្តរជាតិ
/
អ្នកយកព័ត៌មាន:
លី ម៉ាលីង
/

អង់គ្លេស៖ ទីភ្នាក់ងារសារព័ត៌មានស៊ីនហួរ, យោងតាមរបាយការណ៍ ដែលចេញដោយទីភ្នាក់ងារសុខភាពសាធារណៈ ប្រទេសអង់គ្លេសនៅថ្ងៃទី ២៩ បានឲ្យដឹងថា គិតត្រឹមថ្ងៃទី ២៣ កម្មវិធី ចាក់វ៉ាក់សាំងការពារ COVID-19 បានជួយឱ្យប្រទេសអង់គ្លេសការពារករណីឆ្លងជាង ២២ លាន និង ករណីស្លាប់ ៦០.០០០ ករណី។

សេវាសុខភាពសាធារណៈនៃចក្រភពអង់គ្លេសបានចេញផ្សាយរបាយការណ៍ត្រួតពិនិត្យវ៉ាក់សាំង COVID-19 ប្រចាំសប្តាហ៍។ ដោយរបាយការណ៍នេះ ផ្អែកទៅលើលទ្ធផលនៃការវិភាគគំរូ ទិន្នន័យ អនុវត្តដោយការិយាល័យនិងក្រុមស្រាវជ្រាវនៅសាកលវិទ្យាល័យខេមប្រ៊ីជ។

ការវាយតម្លៃចុងក្រោយបង្ហាញថា ការចាក់វ៉ាក់សាំងជួយជៀសវាងចំនួនមរណភាព និងការឆ្លងថ្មីប្រហែលពីរដងនៃចំនួនដែលបានវាយតម្លៃកាលពី ២ សប្តាហ៍មុន។ ហើយគិតត្រឹមថ្ងៃទី ២៨ មនុស្សពេញវ័យជាង ៧០% នៅចក្រភពអង់គ្លេសបានបញ្ចប់ ការចាក់វ៉ាក់សាំងពីរដង។

រដ្ឋមន្រ្តីក្រសួងសុខាភិបាលអង់គ្លេសបាននិយាយថា វឌ្ឍនភាព ដែលបានធ្វើឡើងនៅក្នុងកម្មវិធីចាក់វ៉ាក់សាំងនេះ មិនងាយស្រួលនោះទេ។ នេះជួយការពារប្រជាជនក្នុងតំបន់ឱ្យបានប្រសើរជាងមុន។ អ្នកដែលមិនត្រូវបានចាក់វ៉ាក់សាំង គួរតែចាក់វ៉ាក់សាំងឱ្យបានឆាប់តាមដែលអាចធ្វើទៅបាន។

ទិន្នន័យដែលចេញដោយរដ្ឋាភិបាលអង់គ្លេសនៅថ្ងៃទី ២៩ ក៏បានបង្ហាញថាប្រទេសនេះ មានករណីឆ្លងថ្មីចំនួន ៣១.១១៧ ករណី ធ្វើឲ្យចំនួនឆ្លងសរុបកើនដល់ ៥.៨០១.៥៦១ និងករណីស្លាប់ថ្មី ៨៥ នាក់និងករណីស្លាប់សរុបមាន ១២៩.៥១៥ នាក់៕

Khcct banner

អត្ថបទទាក់ទង