ចិន៖ អាជ្ញាធរចិន បានបញ្ជូនក្រុមជួយសង្គ្រោះជាច្រើនទៅកាន់ខេត្តហឺណានភាគកណ្តាលប្រទេសចិនបន្ទាប់ពីផ្នែកខ្លះនៃភាគខាងលិចហឺណានបានជន់លិចដោយសារភ្លៀងធ្លាក់ខ្លាំង ដែលបណ្តាលឱ្យមានទឹកជំនន់ធ្ងន់ធ្ងរ ខណៈចំនួនអ្នកស្លាប់បានកើនឡើងដល់ ២៥ នាក់ និង ៧នាក់ផ្សេងទៀតបានបាត់ខ្លួន ។
ក្រសួងគ្រប់គ្រងគ្រោះអាសន្នរបស់ប្រទេសចិនកាលពីថ្ងៃអង្គារ បានបញ្ជូនក្រុមអ្នកជួយសង្គ្រោះដែលមានសមាជិក ១៨០០ នាក់ រួមមានអ្នកជួយសង្គ្រោះជំនាញមកពីខេត្ត ៧ ផ្សេងទៀត ដើម្បីជួយដល់ខេត្តហឺណានដែលរងគ្រោះដោយទឹកជំនន់។
បញ្ជាការដ្ឋានកណ្តាលនៃកងទ័ពរំដោះប្រជាជនចិន បានបញ្ជូនទាហាន កងកម្លាំងប្រដាប់អាវុធ និងកងនាវាចរចំនួនជាង ៥៧០០ នាក់និងគ្រឿងចក្រចំនួន១៤៨ ដើម្បីប្រតិបត្តិការជួយសង្គ្រោះនៅក្នុងតំបន់ជាង ៣០ ដែលរងគ្រោះដោយទឹកជំនន់។
នៅពេលមានភ្លៀងធ្លាក់ខ្លាំងបន្តវាយប្រហារទីក្រុង ហឺណានអាជ្ញាធរបានបង្កើនប្រតិកម្មបន្ទាន់សម្រាប់ការគ្រប់គ្រងទឹកជំនន់ដល់កម្រិតទី ២ ដែលជាកម្រិតខ្ពស់បំផុតទី ២ នៅក្នុងប្រព័ន្ធឆ្លើយតបរបស់ចិន។ ដោយកាលពីថ្ងៃសៅរ៍មានភ្លៀងធ្លាក់យ៉ាងខ្លាំងបានចាប់ផ្តើមធ្លាក់នៅតំបន់ភាគខាងលិចនិងភាគកណ្តាលនៃខេត្តហឺណាន។
នៅទីរួមខេត្តZhengzhou ទឹកភ្លៀង ៦១៧.១ ម.ម បានធ្លាក់ក្នុងរយៈពេល ៣ ថ្ងៃ ដោយចាប់ផ្តើមនៅយប់ថ្ងៃសៅរ៍ ពោលគឺជិតនឹងបរិមាណប្រចាំឆ្នាំជាមធ្យមរបស់ទីក្រុង។ ទីក្រុងនេះបានកត់ត្រាអត្រាទឹកភ្លៀងក្នុងមួយខែគឺ ២០១.៩ ម.មពីម៉ោង ១៦ ថ្ងៃអង្គារ ហើយបានបំបែកកំណត់ត្រាទឹកភ្លៀងតែមួយថ្ងៃរបស់ខ្លួនផងដែរ ដោយឈានដល់កំរិតខ្ពស់បំផុតនៅក្នុងកំណត់ត្រាអាកាសធាតុក្នុងតំបន់។
ទឹកភ្លៀងធ្លាក់មិនឈប់ បានបង្កឱ្យមានទឹកជំនន់យ៉ាងធ្ងន់ធ្ងរនៅក្នុងទីក្រុងZhengzhou ដែលផ្អាកការដឹកជញ្ជូនគមនាគមន៍និងការផ្គត់ផ្គង់ទឹកនៅក្នុងទីក្រុងភាគច្រើន។ជាលទ្ធផលសេវាកម្មរថភ្លើងក្រោមដីរបស់Zhengzhou ត្រូវបានផ្អាកជាបណ្តោះអាសន្ន ខណៈជើងរថភ្លើងទាំងអស់ត្រូវបានលុបចោល។
នៅខេត្តហឺណានមនុស្សជាង ១៦០.០០០ នាក់ត្រូវបានជម្លៀសទៅកាន់តំបន់ដែលមានសុវត្ថិភាព។ នៅពេលដែលរដ្ឋState Grid បានបញ្ជូនបុគ្គលិកបន្ទាន់ជាង ៤.០០០ នាក់ ដើម្បីជួសជុលសៀគ្វីដែលខូចខាត ដើម្បីផ្គត់ផ្គង់ថាមពលធម្មតាដល់អ្នកប្រើប្រាស់ជាង ៤៥០.០០០ នាក់នៅក្នុងខេត្ត។
គិតត្រឹមម៉ោង ១០ ព្រឹកថ្ងៃពុធស្ថានីយទំនាក់ទំនងចំនួន ៦.៣០០ និង ខ្សែអុបទិក ១៧០ ដែលមានប្រវែងសរុប ២៧៥ គីឡូម៉ែត្រត្រូវបានជួសជុល៕
.PNG?1713846720)
.PNG?1713771975)
