Cct850x100 1
1800px x h300px kh

ចិនអំពាវនាវឱ្យមានដំណោះស្រាយនយោបាយលើបញ្ហាយេមែន

អន្តរជាតិ
/
អ្នកយកព័ត៌មាន:
លី ម៉ាលីង
/

ចិន៖ អ្នកតំណាងអចិន្ត្រៃយ៍របស់ចិនប្រចាំនៅUN បានអំពាវនាវដល់គ្រប់ភាគី ដែលមានជម្លោះនៅក្នុងប្រទេសយេមែនបញ្ឈប់ការបាញ់ប្រហារជាបន្ទាន់ និងបន្តការចរចានយោបាយដើម្បីបញ្ចប់សង្គ្រាម។បេសកជនពិសេសរបស់អង្គការសហប្រជាជាតិលោក Geng Shuang បានអំពាវនាវដូច្នេះនៅក្នុងកិច្ចប្រជុំក្រុមប្រឹក្សាសន្តិសុខនៅថ្ងៃទី ១៥ ខែមិថុនា។

ប្រទេសចិនគាំទ្ររាល់កិច្ចប្រឹងប្រែងដែលធ្វើឡើងដោយរដ្ឋឈូងសមុទ្រ ដើម្បីបន្ធូរបន្ថយភាពតានតឹងនៅក្នុងតំបន់ ហើយសង្ឃឹមថាកិច្ចខិតខំប្រឹងប្រែងបែបនេះ នឹងបង្កើតជាចំណុចវិជ្ជមានសម្រាប់ការដោះស្រាយនយោបាយនៅយេមែន។ លោក Geng Shuang អ្នកតំណាងអចិន្រ្តៃយ៍របស់ប្រទេសចិនប្រចាំនៅអង្គការសហប្រជាជាតិបានមានប្រសាសន៍ថា ប្រទេសចិនស្វាគមន៍ចំពោះឆន្ទៈនយោបាយដែលបង្ហាញដោយរដ្ឋាភិបាលយេមែន។

លោក Geng បាននិយាយថា សង្គ្រាមជាច្រើនឆ្នាំបានបំផ្លាញហេដ្ឋារចនាសម្ព័ន្ធនៃទីក្រុងធំៗ ជាច្រើននៅក្នុងប្រទេសយេមែន ដែលបណ្តាលឱ្យខាតបង់ចំនួន ៦,៩ ពាន់លានដុល្លារ ទៅ ៨,៥ ពាន់លានដុល្លារអាមេរិក ធ្វើឲ្យប្រទេសយេម៉ែនក្លាយជាប្រទេសមួយ ដែលមានប្រជាជនផ្លាស់ទីលំនៅច្រើនជាងគេទីបួននៅលើពិភពលោកដោយសារសង្រ្គាម។

ប្រទេសចិនអំពាវនាវឱ្យគ្រប់ភាគីទាំងអស់នៃជម្លោះយកចិត្តទុកដាក់លើការអំពាវនាវរបស់សហគមន៍អន្តរជាតិនិងបញ្ឈប់អរិភាពជាបន្ទាន់ ដើម្បីបង្កើតលក្ខខណ្ឌសុវត្ថិភាពសម្រាប់ដំណើរការសន្តិភាពនៅយេមែននិងចៀសវាងបង្កឱ្យមានគ្រោះថ្នាក់ដល់ប្រជាជនដែលគ្មានទោស។

លោក Martin Griffiths ប្រេសិតពិសេសរបស់អង្គការសហប្រជាជាតិប្រចាំនៅយេមែនក៏បានអំពាវនាវឱ្យមានបទឈប់បាញ់ជាបន្ទាន់និងការបន្តដំណើរការនយោបាយរួមបញ្ចូលគ្នា។ លោកបន្តថា អង្គការសហប្រជាជាតិពិចារណាជាយូរមកហើយថានឹងប្រឈមមុខនឹងវិបត្តិមនុស្សធម៌ដ៏អាក្រក់បំផុតរបស់ពិភពលោក ដោយប្រជាជនរបស់ខ្លួនត្រូវមានកាតព្វកិច្ចរស់នៅក្រោមអំពើហិង្សាអសន្តិសុខ និងការភ័យខ្លាច។ ការផ្លាស់ប្តូរស្ថានភាពជាក់ស្តែងនៅយេមែននតម្រូវឱ្យមានបទឈប់បាញ់គ្នាភ្លាមៗពីគ្រប់ភាគីនៃជម្លោះនិងការចរចានយោបាយ ដើម្បីបញ្ចប់សង្គ្រាមនិងឈានទៅរកសន្តិភាពប្រកបដោយចីរភាព៕

Khcct banner

អត្ថបទទាក់ទង