NATO៖ ទីភ្នាក់ងារសារព័ត៌មានចិនស៊ិនហួរ នៅ មេដឹកនាំនៃប្រទេសជាសមាជិកNATOបានបើកកិច្ចប្រជុំមួយនៅថ្ងៃទី ១៤ នៅឯទីស្នាក់ការកណ្តាលរបស់អង្គការ NATO ក្នុងទីក្រុងប្រ៊ុចសែល ប្រទេសបែលហ្ស៊ិក។ នេះជាលើកទីមួយ ហើយដែលប្រធានាធិបតីអាមេរិក Biden បានចូលរួមក្នុងកិច្ចប្រជុំកំពូលរបស់អង្គការNATOចាប់តាំងពីលោកចូលកាន់តំណែងនៅខែមករាឆ្នាំនេះ។
ភារកិច្ចចម្បងនៃការចូលរួមរបស់លោក Biden នៅក្នុងកិច្ចប្រជុំនេះ គឺដើម្បីទទួលបានការជឿទុកចិត្តពីសម្ព័ន្ធមិត្ត និងដើម្បីជួសជុលភាពខុសគ្នាដ៏ធ្ងន់ធ្ងរដែលបានលេចចេញនៅក្នុងអង្គការ NATO នៅអាណត្តិរបស់អតីតប្រធានាធិបតីអាមេរិក Trump ។
អង្គការ NATO បាននិយាយនៅក្នុងសេចក្តីថ្លែងការណ៍រួម មួយដែលត្រូវបានចេញបន្ទាប់ពីកិច្ចប្រជុំថាខ្លួននឹងលើកកម្ពស់តួនាទីរបស់អង្គការនេះ ជាវេទិកាសម្រាប់ការពិគ្រោះយោបល់នយោបាយ ពង្រឹងការការពារ ការប្តេជ្ញាកសាងសង្គម ការបណ្តុះបណ្តាលដល់ដៃគូអង្គការ NATO ដូចជាអ៊ុយក្រែននិងហ្សកហ្ស៊ី និងឆ្លើយតបការផ្លាស់ប្តូរអាកាសធាតុតប។
មេដឹកនាំនៃរដ្ឋជាសមាជិក បានឈានដល់កិច្ចព្រមព្រៀងលើគំនិតផ្តួចផ្តើមឆ្នាំ ២០៣០ ដែលបានដាក់ចេញដោយអគ្គលេខាធិការអង្គការ NATO ។ គំនិតផ្តួចផ្តើមនេះ មានគោលបំណងកែទម្រង់យន្តការដែលមានស្រាប់របស់ NATO និងសម្របខ្លួនទៅនឹងស្ថានភាពអន្តរជាតិថ្មី។
លើសពីនេះថ្នាក់ដឹកនាំនៅក្នុងអង្គប្រជុំក៏បានអនុម័តគោលនយោបាយការពារតាមអ៊ីនធឺណិតផងដែរ។ ទាក់ទងនឹងបញ្ហាប្រទេសអាហ្វហ្គានីស្ថាន ដោយមេដឹកនាំនៅក្នុងកិច្ចប្រជុំបានជឿជាក់ថា ប្រតិបត្តិការយោធាជិតបញ្ចប់ ប៉ុន្តែវានៅតែចាំបាច់ ដើម្បីបន្តផ្តល់ការបណ្តុះបណ្តាល និងការគាំទ្រផ្នែកហិរញ្ញវត្ថុដល់កងទ័ពនិងស្ថាប័នអាហ្វហ្គានីស្ថាន។ កិច្ចប្រជុំនេះក៏បានពិភាក្សាអំពីបញ្ហាដែលទាក់ទងនឹងប្រទេសរុស្ស៊ីនិងចិនផងដែរ៕
