Cct850x100 1
1800px x h300px kh

ព្យុះត្រូពិក Choi-wan បណ្តាលឱ្យមនុស្សស្លាប់ ៣ នាក់បាត់ខ្លួន ១នាក់នៅហ្វីលីពីន

អន្តរជាតិ
/
អ្នកយកព័ត៌មាន:
លី ម៉ាលីង
/

ហ្វីលីពីន៖ ទីភ្នាក់ងារគ្រោះមហន្តរាយរបស់រដ្ឋាភិបាលបាននិយាយកាលពីថ្ងៃពុធថា ព្យុះត្រូពិក Choi-wan បានបោកបក់នៅក្នុងប្រទេសហ្វីលីពីនបានសម្លាប់មនុស្ស ៣ នាក់ និងបាត់ខ្លួនម្នាក់។

ក្រុមប្រឹក្សាកាត់បន្ថយនិងគ្រប់គ្រងគ្រោះមហន្តរាយជាតិ (NDRRMC) បាននិយាយថា ព្យុះដែលបានវាយប្រហារប្រទេសនេះកាលពីដើមសប្តាហ៍នេះបានប៉ះពាល់ដល់មនុស្សជាង ២.០០០ នាក់នៅតំបន់ភាគខាងត្បូងនៃប្រទេសហ្វីលីពីន។

សម្រាប់ពេលនេះផ្លូវហាយវ៉េចំនួន ១០ និងស្ពានចំនួន ៣ ត្រូវបានកាត់ផ្តាច់នៅក្នុងទីក្រុងចំនួន ៣ បានដាច់ចរន្តអគ្គិសនី ហើយកំពង់ផែជាច្រើនត្រូវបានបិទ។

ព្យុះនេះក៏បង្កឱ្យមានទឹកជំនន់និងការបាក់ដីនៅភាគកណ្តាលនិងភាគខាងត្បូងប្រទេសហ្វីលីពីនផងដែរ។ វាបានជំរុញឱ្យមន្រ្តីនៅក្នុងតំបន់ ដែលងាយរងគ្រោះដោយព្យុះទីហ្វុងភាគអាគ្នេយ៍នៃទីក្រុងម៉ានីលជម្លៀសប្រជាជនទៅកន្លែងដែលមានសុវត្ថិភាព។

នៅក្នុងព្រឹត្តិប័ត្ររបស់ខ្លួនបានចេញផ្សាយនៅម៉ោង ១៧ (ម៉ោងក្នុងស្រុក) ការិយាល័យអាកាសធាតុរបស់រដ្ឋបាននិយាយថា ព្យុះត្រូពិកត្រូវបានគេប្រទះឃើញនៅលើផ្ទៃទឹកសមុទ្រនៃខេត្ត Oriental Mindoro ហើយកំពុងឆ្ពោះទៅកាន់ឆ្នេរភាគនិរតីនៃខេត្ត Batangas ។

ព្យុះនេះកំពុងធ្វើដំណើរទៅទិសពាយព្យឆ្ពោះចម្ងាយ ១៥ គីឡូម៉ែត្រក្នុងមួយម៉ោង ក្នុងល្បឿនខ្យល់ ៦៥ ទៅ ៩០ គីឡូម៉ែត្រក្នុងមួយម៉ោង។ ការិយាល័យនេះបាននិយាយថា ព្យុះត្រូវបានគេព្យាករណ៍ថានឹងបន្តធ្លាក់ចុះរហូតដល់ថ្ងៃសុក្រ។

ព្យុះទីហ្វុងនិងព្យុះត្រូពិកតែងតែបង្កផលប៉ះពាល់ដល់ហ្វីលីពីន ដែលបានសម្លាប់មនុស្សរាប់រយនាក់ និងបង្កការខូចខាតរាប់ពាន់លានដុល្លារ។

ហ្វីលីពីនស្ថិតនៅក្នុងមហាសមុទ្រប៉ាស៊ីហ្វិក ដែលជាប្រទេសស្ថិតក្នុងចំណោមប្រទេសដែលងាយរងគ្រោះថ្នាក់បំផុតរួមមានភ្នំភ្លើង សកម្មការរញ្ជួយដីញឹកញាប់ និងរងគ្រោះជាមធ្យម ២០ ព្យុះក្នុងមួយឆ្នាំបានបង្កជាទឹកជំនន់និងការបាក់ដី៕

Khcct banner

អត្ថបទទាក់ទង