Cct850x100 1
1800px x h300px kh

ការចាក់វ៉ាក់សាំងលឿនរបស់ចិនត្រូវបានគេរំពឹងថានឹងបង្កើនល្បឿននៃសេដ្ឋកិច្ចនៅអាស៊ី

អន្តរជាតិ
/
អ្នកយកព័ត៌មាន:
លី ម៉ាលីង
/

ចិន៖ ទីភ្នាក់ងារសារព័ត៌មានចិនស៊ីនហួរ នៅថ្ងៃទី ៣១ ខែឧសភា គេហទំព័រ “Wall Street Journal” របស់សហរដ្ឋអាមេរិកថ្មីៗនេះបានចុះផ្សាយអត្ថបទមួយដែលថា ការបង្កើនល្បឿននៃការចាក់វ៉ាក់សាំងថ្មីរបស់ចិនត្រូវបានគេរំពឹងថានឹងជំរុញការស្ទុះងើបឡើងវិញនៃសេដ្ឋកិច្ចនៅអាស៊ី។

អត្ថបទបាននិយាយថា ការចាក់វ៉ាក់សាំងនាពេលបច្ចុប្បន្នរបស់ប្រទេសចិន កំពុងរីកចម្រើនយ៉ាងឆាប់រហ័ស។ គិតត្រឹមសប្តាហ៍ទី ២៨ ខែឧសភាអត្រាចាក់វ៉ាក់សាំងរបស់ប្រទេសចិន លឿនជាងពេលណាៗទាំងអស់ ចាប់តាំងពីសហរដ្ឋអាមេរិក សហភាពអឺរ៉ុប ឬចក្រភពអង់គ្លេស ចាប់ផ្តើមចាក់វ៉ាក់សាំង។ ប្រសិនបើប្រទេសចិនរក្សាអត្រាចាក់វ៉ាក់សាំងនាពេលបច្ចុប្បន្ននេះ វានឹងជួយធ្វើឱ្យប្រសើរឡើងនូវការរំពឹងទុកនៃការងើបឡើងវិញនៃសេដ្ឋកិច្ចរបស់អាស៊ី និងសូម្បីតែទីផ្សារដែលកំពុងរីកចម្រើននៅលើពិភពលោក។

អត្ថបទជឿជាក់ថា ការចាក់វ៉ាក់សាំងលឿននឹងជួយប្រទេសនៅអាស៊ីបន្ធូរបន្ថយការរឹតត្បិតការធ្វើដំណើរ។ ក្នុងរយៈពេលមធ្យមការកើនឡើងអត្រាចាក់វ៉ាក់សាំងរបស់ប្រទេសចិនអាចជំរុញការស្តារវិស័យទេសចរណ៍នៅក្នុងឧស្សាហកម្មសសរស្តម្ភរបស់អាស៊ីអាគ្នេយ៍៕

Khcct banner

អត្ថបទទាក់ទង