Cct850x100 1
1800px x h300px kh

BREAKING៖កម្ពុជារកឃើញករណីឆ្លងកូវីដថ្មីចំនួន ៩៣៨នាក់ និងជាសះស្បើយ ៣៦១នាក់

ព័ត៌មានជាតិ
/
អ្នកយកព័ត៌មាន:
ឌី ចិន្ដា
/

ភ្នំពេញ៖ យោងតាមក្រសួងសុខាភិបាលកម្ពុជា នៅថ្ងៃទី០៤ ខែឧសភា ឆ្នាំ២០២១ នេះ បានចេញប្រកាសព័ត៌មានពីការរកឃើញអ្នកឆ្លងជំងឺកូវីដ-១៩ ថ្មី ក្នុងថ្ងៃ០៣ ខែឧសភា ឆ្នាំ២០២១ មានចំនួន ៩៣៨នាក់បន្ថែមទៀតពាក់ព័ន្ធនឹង «ព្រឹត្តិការណ៍សហគមន៍២០កុម្ភៈ»ទាំងអស់ និងជាសះស្បើយ ៣៦១នាក់។

ក្នុងចំណោមអ្នកឆ្លងកូវីដថ្មីទាំង ៩៣៨នាក់ខាងលើ ជាករណីឆ្លងក្នុង«ព្រឹត្តិការណ៍សហគមន៍២០កុម្ភៈ»។ អ្នកឆ្លងនៅរាជធានីភ្នំពេញមានចំនួនច្រើនជាងគេ រហូតទៅដល់ ៦០៨នាក់ ហើយខេត្តកណ្ដាល ១៧៥នាក់ , ខេត្តព្រះសីហនុ ៧៧នាក់, ខេត្តបន្ទាយមានជ័យ ៥១នាក់ , ខេត្តកំពង់ស្ពឺ ១៤នាក់, ខេត្តកំពង់ចាម ២១នាក់ , ខេត្តតាកែវ ០៤នាក់, ខេត្តកំពង់ចាម ០៣នាក់ , ខេត្តត្បូងឃ្មុំ ០២នាក់, ខេត្តសៀមរាប ០១នាក់, ខេត្តពោធិ៍សាត់ ០១នាក់ និងខេត្តស្វាយរៀង ០១នាក់។

គួរបញ្ជាក់ថា គិតត្រឹមព្រឹកម៉ោង៧ និង០០នាទី ថ្ងៃទី០៤ ខែឧសភា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ១៦២៩៩នាក់ ជាសះស្បើយចំនួន ៥៧៩១នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១០៣៩៤នាក់ ហើយករណីស្លាប់ ១០៧នាក់៕


Khcct banner

អត្ថបទទាក់ទង