Cct850x100 1
1800px x h300px kh

ចិនគាំទ្រឥណ្ឌូនេស៊ីដើម្បីសាងសង់មជ្ឈមណ្ឌលប្រចាំតំបន់សម្រាប់វ៉ាក់សាំងស៊ីណូវ៉ាក

អន្តរជាតិ
/
អ្នកយកព័ត៌មាន:
លី​ ម៉ាលីង
/

ចិន៖ ប្រទេសទាំងពីរបានចុះហត្ថលេខាលើកិច្ចព្រមព្រៀង ដើម្បីសាងសង់មជ្ឈមណ្ឌលឱសថមួយនៅភាគខាងជើងស៊ូម៉ាត្រាដោយមានការគាំទ្រពីរដ្ឋាភិបាលចិន។ ទំនាក់ទំនងថ្មីនេះអាចជួយប្រទេសឥណ្ឌូនេស៊ីពង្រីកឧស្សាហកម្មថែទាំសុខភាពរបស់ខ្លួន។

ប្រទេសចិននិងឥណ្ឌូនេស៊ីកំពុងបើកជំពូកថ្មីនៃកិច្ចសហប្រតិបត្តិការចំពេលនៃការរីករាលដាលនៃ COVID-19 កំពុងកើនឡើង ខណៈដែលប្រទេសទាំងពីរកំពុងសហការគ្នា ដើម្បីប្រយុទ្ធប្រឆាំងនឹងកូវីដ១៩។

ប្រទេសចិនកំពុងត្រួសត្រាយផ្លូវសម្រាប់ទំនាក់ទំនងកាន់តែរឹងមាំជាមួយប្រទេសឥណ្ឌូនេស៊ី ដោយកំពុងរៀបចំកម្មវិធីចាក់វ៉ាក់សាំងការពារកូវីដ-១៩ ដ៏ធំបំផុតរបស់ខ្លួន រហូតមកដល់បច្ចុប្បន្ននេះ ក្នុងគោលបំណងទាក់ទាញមនុស្សយ៉ាងហោចណាស់ ១៨១ លាននាក់នៅដំណាច់ឆ្នាំនេះ។

ប្រទេសឥណ្ឌូនេស៊ីស្ថិតក្នុងចំណោមអ្នកនាំចូលស៊ីណូវ៉ាកធំជាងគេនៅអាស៊ីអាគ្នេយ៍ ដែលជាវ៉ាក់សាំងផលិតដោយ Sinovac Biotech របស់ចិន។

លោក Fery Rahman អគ្គលេខាធិការសមាគមគ្រូពេទ្យឥណ្ឌូនេស៊ីមានប្រសាសន៍ថា នៅទូទាំងពិភពលោក ត្រូវការវ៉ាក់សាំង ហើយប្រសិនបើប្រទេសចិនអាចបំពេញតំរូវការនេះ ឥណ្ឌូនេស៊ីនឹងទទួលបានក្នុងវិស័យសុខភាពប៉ុណ្ណោះទេ ប៉ុន្តែថែមស្តារសេដ្ឋកិច្ចទៀតផង។

ប្រទេសឥណ្ឌូនេស៊ីបានធ្លាក់ចូលក្នុងវិបត្តិសេដ្ឋកិច្ចលើកដំបូងរបស់ខ្លួនក្នុងឆ្នាំ ២០២០ ចំពេលមានការរាតត្បាត។ រដ្ឋាភិបាលបាននិងកំពុងព្យាយាមស្តារសកម្មភាពសេដ្ឋកិច្ច តាមរយៈការចំណាយរបស់អ្នកប្រើប្រាស់និងហេដ្ឋារចនាសម្ព័ន្ធ។

វិធីមួយក្នុងចំណោមនោះ គឺតាមរយៈការជួយឧបត្ថម្ភប្រទេសឥណ្ឌូនេស៊ី ក្នុងការផលិតវ៉ាក់សាំងSinovac ចំនួនជាង ១៥០ លានដូសនៅក្រោមក្រុមហ៊ុនផលិតឱសថរបស់រដ្ឋឈ្មោះ Bio Farma៕

Khcct banner

អត្ថបទទាក់ទង