Cct850x100 1
1800px x h300px kh

ប្រទេស៣បានជួបប្រជុំគ្នាពិភាក្សាអំពីគោលនយោបាយឆ្ពោះទៅរកប្រទេសកូរ៉េខាងជើង

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រទេស៣បានជួបប្រជុំគ្នាពិភាក្សាអំពីគោលនយោបាយឆ្ពោះទៅរកប្រទេសកូរ៉េខាងជើង ប្រភព៖ The Japan Times

អន្តរជាតិ៖ ទីភ្នាក់ងារសារព័ត៌មានចិនស៊ិនហួ ជំនួយការសន្តិសុខជាតិរបស់ប្រធានាធិបតី លោក Sullivan បានជួបជាមួយទីភ្នាក់ងារសន្តិសុខជាតិរបស់ប្រទេសជប៉ុន លោក Shigeru Kitamura និងប្រធានការិយាល័យសន្តិសុខជាតិរបស់ប្រទេសកូរ៉េខាងត្បូង ដើម្បីពិភាក្សាពីគោលនយោបាយរបស់សហរដ្ឋអាមេរិកលើការវាយតម្លៃប្រទេសកូរ៉េខាងជើងនិងបញ្ហាផ្សេងទៀត។

ការប្រជុំនេះ ត្រូវបានធ្វើឡើងនៅបណ្ឌិតសភាកងទ័ពជើងទឹកសហរដ្ឋអាមេរិកនៅAnnapolis រដ្ឋ Maryland សេតវិមានបានចេញសេចក្តីថ្លែងការណ៍មួយបន្ទាប់ពីកិច្ចប្រជុំនោះ បានបញ្ជាក់ថាភាគីទាំងបី បានសម្តែងការព្រួយបារម្ភអំពីកម្មវិធីនុយក្លេអ៊ែរនិងមីស៊ីលរបស់កូរ៉េខាងជើង និងបានបញ្ជាក់ជាថ្មីថា ពួកគេនឹងឆ្លើយតបតាមរយៈការសម្របសម្រួលនិងកិច្ចសហប្រតិបត្តិការត្រីភាគី ការរារាំងនិងការថែរក្សាសន្តិភាពនិងស្ថិរភាពនៅឧបទ្វីបកូរ៉េ។

ភាគីទាំងបីក៏បានពិភាក្សាគ្នាអំពីការបង្រួបបង្រួមគ្រួសារបែកបាក់កូរ៉េខាងជើងនិងកូរ៉េខាងត្បូង បញ្ហានៃ“ ការចាប់ចំណាប់ខ្មាំង” និងកិច្ចសហប្រតិបត្តិការត្រីភាគី ដើម្បីឆ្លើយតបទៅនឹងការរាតត្បាតការផ្លាស់ប្តូរអាកាសធាតុ និងស្ថានភាពនៅក្នុងប្រទេសមីយ៉ាន់ម៉ា។

បណ្ឌិត្យសភាវិទ្យាសាស្ត្រការពារជាតិកូរ៉េខាងជើង បានធ្វើការបាញ់សាកល្បងកាំជ្រួចមីស៊ីលយុទ្ធសាស្ត្រថ្មីមួយកាលពីថ្ងៃទី ២៥ ខែមីនា ប្រធានាធិបតីអាមេរិក Biden បានថ្លែងថា ការសាកល្បងមីស៊ីលរបស់កូរ៉េខាងជើង បានរំលោភលើសេចក្តីសម្រេចរបស់ក្រុមប្រឹក្សាសន្តិសុខដែលពាក់ព័ន្ធ៕

Khcct banner

អត្ថបទទាក់ទង