Cct850x100 1
1800px x h300px kh

លោក Biden បានប្រកាសអំពីគំរោងហេដ្ឋារចនាសម្ព័ន្ធជាង ២ ទ្រីលានដុល្លារ

អន្តរជាតិ
/
អ្នកយកព័ត៌មាន:
លី ម៉ាលីង
/
លោក Biden បានប្រកាសអំពីគំរោងហេដ្ឋារចនាសម្ព័ន្ធជាង ២ ទ្រីលានដុល្លារ ប្រភពរូប៖ The Wall Street Journal

អាមេរិក៖ទីភ្នាក់ងារសារព័ត៌មានចិនស៊ីនហួ ប្រធានាធិបតីអាមេរិក Biden បានប្រកាសនៅថ្ងៃទី ៣១ ខែមីនា នូវកញ្ចប់សំណង់ហេដ្ឋារចនាសម្ព័ន្ធដែលមានទឹកប្រាក់សរុបប្រមាណ ២,២៥ ទ្រីលានដុល្លារអាមេរិក ហើយបានសម្តែងក្តីសង្ឃឹមថា សភានឹងអនុម័តលើផែនការនៅរដូវក្តៅនេះ។

នៅថ្ងៃដដែលលោក Biden បានថ្លែងនៅក្នុងសុន្ទរកថា មួយនៅទីក្រុង Pittsburgh រដ្ឋ Pennsylvania ថាផែនការនេះ រួមមានថវិកាចំនួន ៦២១ ពាន់លានដុល្លារសម្រាប់សាងសង់ហេដ្ឋារចនាសម្ព័ន្ធដឹកជញ្ជូន ៤០០ ពាន់លានដុល្លារសម្រាប់កែលម្អសេវាថែទាំ សម្រាប់មនុស្សចាស់ជរា ជនទន់ខ្សោយ និងជន ហើយថវិកាចំនួន ៣០០ ពាន់លានដុល្លារសម្រាប់លើកកម្ពស់ផលិតកម្ម។១០០ ពាន់លានដុល្លារអាមេរិក នឹងត្រូវប្រើប្រាស់សម្រាប់ការសាងសង់ហេដ្ឋារចនាសម្ព័ន្ធឌីជីថល ហើយមូលនិធិផ្សេងទៀតនឹងត្រូវវិនិយោគលើវិស័យមួយចំនួនដូចជា ការកែលំអគេហដ្ឋាន ការបន្តកម្មវិធីសាលា និងការបណ្តុះបណ្តាលជំនាញការងារ។

លោក Biden បាននិយាយថាការផ្តោតលើផែនការនេះ គឺដើម្បីលើកកម្ពស់ការងារនៅសហរដ្ឋអាមេរិកហើយសង្ឃឹមថានឹងបង្កើនពន្ធសាជីវកម្មដើម្បីផ្តល់មូលនិធិដល់គម្រោងហេដ្ឋារចនាសម្ព័ន្ធ។ ហើយសកម្មភាពនេះត្រូវបានគេរំពឹងថា នឹងត្រូវបានជំទាស់ដោយគណបក្សសាធារណរដ្ឋនៅក្នុងសភា។

នៅព្រឹកថ្ងៃដដែលអនុរដ្ឋមន្ត្រីព័ត៌មាននៃសេតវិមានលោកស្រី Karina Jean-Pierre បានប្រាប់ប្រព័ន្ធផ្សព្វផ្សាយថា សេតវិមានបានចាប់ផ្តើមពិគ្រោះយោបល់ជាមួយគណបក្សទាំងពីរនៅក្នុងសភាស្តីពីផែនការនេះ។

ក្រុមអ្នកវិភាគជឿជាក់ថា ការចំណាយលើការសាងសង់ហេដ្ឋារចនាសម្ព័ន្ធច្រើនជាង ២ ទ្រីលានដុល្លារអាមេរិកនឹងជំរុញឱនភាពថវិកាសហព័ន្ធបន្ថែមទៀត និងធ្វើឱ្យសេដ្ឋកិច្ចអាមេរិកគ្មាននិរន្តរភាព។ លើសពីនេះការយកពន្ធសាជីវកម្មរបស់លោក Biden ក៏អាចបណ្តាលឱ្យក្រុមហ៊ុនអាមេរិកផ្លាស់ប្តូរទីតាំងអាជីវកម្មរបស់ពួកគេនៅបរទេសដែលនឹងជះឥទ្ធិពលយូរអង្វែងទៅលើសេដ្ឋកិច្ចពិតប្រាកដរបស់សហរដ្ឋអាមេរិក៕

Khcct banner

អត្ថបទទាក់ទង