Cct850x100 1
1800px x h300px kh

អ្នកដែលពាក់ព័ន្ធនឹងហាងរចនា​«បុកល្ហុង»ជិតព្រះបរមរាជវាំងគួរទៅធ្វើតេស្តរកកូវីដ

សង្គម
/
អ្នកយកព័ត៌មាន:
ឌី ចិន្ដា
/
អ្នកដែលពាក់ព័ន្ធនឹងហាងរចនា​«បុកល្ហុង»ជិតព្រះបរមរាជវាំង ផ្ទះលេខ៣២ ផ្លូវលេខ២៤០ សង្កាត់ចតុមុខ ខណ្ឌដូនពេញ រាជធានីភ្នំពេញ គួរទៅធ្វើតេស្តរកកូវីដ (រូបភាពដោយ៖ អនុគណៈកម្មការស្រាវជ្រាវជំងឺកូវីដ-១៩)

ភ្នំពេញ៖ យោងតាមសេចក្ដីជូនដំណឹងរបស់អនុគណៈកម្មការស្រាវជ្រាវជំងឺកូវីដ-១៩ នៅល្ងាចថ្ងៃទី២៤ ខែមីនា ឆ្នាំ២០២១នេះ បានអំពាវនាវដល់ប្រជាពលរដ្ឋ ដែលធ្លាប់បានពាក់ព័ន្ធ និងធ្លាប់ទៅហាងរចនា​«បុកល្ហុង»ជិតព្រះបរមរាជវាំង ឬធ្លាប់ពាក់ព័ន្ធនឹងអ្នក​នៅហាងខាងលើនេះ គិតចាប់ពីថ្ងៃទី១៣ ខែមីនា ឆ្នាំ២០២១​ តទៅ ព្រោះជាទីតាំងដែលបានអាជ្ញាធររកឃើញមានករណីវិជ្ជមានកូវីដ-១៩ ដែល«ហាងរចនា​បុកល្ហុង» មានទីតាំងនៅជិតព្រះបរមរាជវាំង ផ្ទះលេខ៣២ ផ្លូវលេខ២៤០ សង្កាត់ចតុមុខ ខណ្ឌដូនពេញ រាជធានីភ្នំពេញ។

ហេតុដូច្នេះ នៅក្នុងសេចក្ដីជូនដំណឹងដែលកើតមាននៅទីតាំងខាងលើ អនុគណៈកម្មការស្រាវជ្រាវជំងឺកូវីដ-១៩ សូមអំពាវនាវដល់ប្រជាពលរដ្ឋ ដែលធ្លាប់បានទៅហូប ឬធ្លាប់មានការពាក់ព័ន្ធជាមួយអ្នកធ្វើការនៅ «ហាងរចនា​បុកល្ហុង» មានទីតាំងនៅជិតព្រះបរមរាជវាំង ចាប់ពីថ្ងៃទី១៣ ខែមីនា ឆ្នាំ២០២១​ តទៅ សូមដាក់ខ្លួនឲ្យនៅដាច់ដោយឡែក ឬ​ ប្រសិនបើមានអាការៈមិនស្រួលខ្លួន ដែលមានរោគសញ្ញាដូចជា គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ទៅធ្វេីតេស្តរកមេរោគ និងសូមអញ្ជើញទៅតេស្តកូវីដនៅមន្ទីរពេទ្យខេត្តដែលនៅជិតបំផុតដូចជា នៅវិទ្យាល័យបាក់ទូក ឬវិទ្យាល័យបឹងត្របែក ឬមណ្ឌលសុខភាពចាក់អង្រែក្រោម ឬមន្ទីរពេទ្យខ្មែរសូវៀត និងមន្ទីរពេទ្យបង្អែកនៅតាមបណ្តាខេត្តនានា ឱ្យបានលឿនតាមដែលអាចធ្វើបាន និងពាក់ម៉ាសជាប្រចាំ ហើយសម្រាប់ពត៌មា​នបន្ថែមសូមទាក់ទងលេខ​១១៥៕


Khcct banner

អត្ថបទទាក់ទង