Cct850x100 1
1800px x h300px kh

គណៈកម្មការរៀបចំការបោះឆ្នោតថ្មីមីយ៉ាន់ម៉ាបានលុបចោលលទ្ធផលនៃការបោះឆ្នោតឆ្នាំ២០២០

អន្តរជាតិ
/
អ្នកយកព័ត៌មាន:
លី ម៉ាលីង
/

មីយ៉ាន់ម៉ា៖ ប្រព័ន្ធផ្សព្វផ្សាយរដ្ឋរបស់ប្រទេសបានរាយការណ៍ថា គណៈកម្មការបោះឆ្នោតថ្មីរបស់សហភាពមីយ៉ាន់ម៉ា (UEC) នៅថ្ងៃសុក្រនេះបានជួបតំណាងគណបក្សនយោបាយនៅរដ្ឋធានីNay Pyi Tawហើយបានលុបចោលលទ្ធផលបោះឆ្នោតឆ្នាំ ២០២០ ។

គណៈកម្មការនេះបាននិងកំពុងពិនិត្យមើលដំណើរការបោះឆ្នោតនៃការបោះឆ្នោតកាលពីឆ្នាំមុនចាប់តាំងពីថ្ងៃទី ៥ ខែកុម្ភៈ។ ហើយគណៈកម្មការនឹងបន្តធ្វើបច្ចុប្បន្នភាពជាសាធារណៈលើការរកឃើញរបស់ខ្លួនបន្ថែមទៀត បន្ទាប់ពីបញ្ចប់ភារកិច្ចដំបូង ហើយបញ្ជីឈ្មោះអ្នកបោះឆ្នោតនឹងត្រូវបានប្រមូល។

តំណាងជាង ៦០ នាក់មកពី ៥៣ នៃគណបក្សនយោបាយសរុបចំនួន ៩១ របស់ប្រទេសមីយ៉ាន់ម៉ាបានចូលរួមក្នុងកិច្ចប្រជុំនេះ ខណៈ ៣៨ គណបក្សទៀតបានអវត្តមានក្នុងកិច្ចប្រជុំនេះ។

លោក Kuang Myint Htun ប្រធានគណបក្សសភាជាតិមីយ៉ាន់ម៉ាបាននិយាយថា គណបក្សនយោបាយ ៤ ទៅ ៥ បានជជែកតវ៉ាថា នីតិរដ្ឋនៅមីយ៉ាន់ម៉ាខ្សោយ ហើយទាមទារឱ្យមានការអនុវត្តច្បាប់តឹងរឹង។

អគ្គលេខាធិការនៃគណបក្សប្រជាធិបតេយ្យប្រជាធិបតេយ្យមីយ៉ាន់ម៉ាលោក U Aung Zin បាននិយាយថា យើងបានដាក់សំណើ ដើម្បីពិនិត្យប្រព័ន្ធបោះឆ្នោតឡើងវិញ ហើយស្នើឱ្យមានសមាមាត្រនៅក្នុងការបោះឆ្នោត។

ស្ថានភាពអាសន្នរយៈពេលមួយឆ្នាំត្រូវបានប្រកាសនៅក្នុងប្រទេសមីយ៉ាន់ម៉ា បន្ទាប់ពីលោកU Win Myint និងលោកស្រី Aung San Suu Kyi រួមជាមួយមន្ត្រីជាន់ខ្ពស់ដទៃទៀត មកពីគណៈបក្សសម្ព័ន្ធជាតិ ដើម្បីលទ្ធិប្រជាធិបតេយ្យត្រូវបានចាប់ខ្លួន ដោយយោធាកាលពីថ្ងៃទី ១ ខែកុម្ភៈ។

កាលពីដើមខែនេះ ក្រុមប្រឹក្សារដ្ឋបានធ្វើកំណែទម្រង់ គណៈកម្មាធិការបោះឆ្នោតសហភាពដោយចាត់វិធានការ ដើម្បីពិនិត្យមើលដំណើរការនៃការបោះឆ្នោតទូទៅ៕

Khcct banner

អត្ថបទទាក់ទង