ភ្នំពេញ៖ រាជរដ្ឋាភិបាលកម្ពុជា បានចុះបង្រាប និងឃាត់បានលុយកខ្វក់ចំនួន ៧៥ករណី រួចបានកសាងសំណុំរឿងទៅស្ថាប័នអយ្យការចំនួន ១៥ករណី។ ស្ថាប័នអយ្យការបានសម្រេចធ្វើការចោទប្រកាន់បទល្មើសសម្អាតប្រាក់បាន ១០ករណី និងដែលបានបង្កកសាច់ប្រាក់ជាប្រាក់ដុល្លារប្រមាណជិត៧៧៨៦១៧៩,៣៥ ដុល្លារអាមេរិក។
ជាមួយគ្នានេះ ក្រសួងមហាផ្ទៃបានឃាត់ទុកនិងរក្សាទីតាំងផ្ទះ ៣កន្លែង ដីឡូត៍ ១កន្លែង រថយន្ត ៧២គ្រឿង ម៉ូតូ២៦៥៣គ្រឿងជាបទល្មើសចរាចរណ៍ និងប្រាក់ពិតប្រាកដដែលមិនមានច្បាប់ឆ្លងតាមរយៈអ្នកដែលយកប្រាក់នៅព្រលានយន្តហោះ ដែលហៅថាប្រាក់ចរាចរណ៍ខុសច្បាប់។ នេះបើតាមការថ្លែងរបស់លោក ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ ក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្ដរបស់ក្រសួងមហាផ្ទៃ នៅទីស្ដីការគណៈរដ្ឋមន្ដ្រី។
អ្នកនាំពាក្យក្រសួងមហាផ្ទៃលោក ខៀវ សុភ័គ បាននិយាយផងដែរថា សាច់ប្រាក់ដែលរឹបអូសបាននោះ នៅពេលតុលាការសម្រេចជាផ្លូវការ ក្រសួងនឹងបញ្ជូនទៅធនាគារជាតិ។
.jpg?1713859196)
