(ចិន)អ្នកជម្ងឺ ដែលមានអាយុច្រើនជាងគេក្នុងវ័៍យ៨៨ឆ្នាំ ក្នុងចំណោមអ្នកជម្ងឺដែលឆ្លងមេរោគកូរ៉ូណាចំនួន៣៧នាក់ បានជាសះស្បើយចេញពីមន្ទីរពេទ្យ ជីន អ៊ីន ថាន (Jin yin tan) កាលពីថ្ងៃទី ២ កុម្ភះនេះ។
នេះគឺជាចំនួនអ្នកជម្ងឺជាសះស្បើយនិងចេញពីមន្ទីរពេទ្យនេះច្រើនជាងគេបង្អស់ចាប់តាំងពីផ្ទុះជម្ងឺរលាកសួតដោយមេរោគកូរ៉ូណាមក។
មន្ទីរពេទ្យ ជីន អ៊ីន ថាន (Jin yin tan) គឺជាមន្ទីរពេទ្យព្យាបាលអ្នកជម្ងឺរលាកសួត ដោយមេរោគកូរ៉ូណាច្រើនជាងគេ និងជាមន្ទីរពេទ្យដែលចាប់ផ្តើមប្រយុទ្ធនឹងជម្ងឺនេះមុនគេផងដែរ។
គួរបញ្ជាក់ថា ក្រោមការព្យាបាលយ៉ាងយកចិត្តទុកដាក់ពីក្រុមគ្រូពេទ្យ អ្នកជម្ងឺដែលឆ្លងមេរោគកូរ៉ូណាចំនួន៣៧នាក់បានជាសះស្បើយចេញពីមន្ទីរពេទ្យហើយ៕