រដ្ឋសភាកម្ពុជានិងសភាប្រជាជនចិននឹងបើកកិច្ចប្រជុំពង្រឹងកិច្ចសហប្រតិបត្តិការ

ភ្នំពេញ៖ រដ្ឋសភាកម្ពុជា និងសភាប្រជាជនចិននឹងបើកកិច្ចប្រជុំពង្រឹងពង្រីកកិច្ចសហប្រតិបត្តិការរវាងសភាប្រទេសទាំងពីរ ដើម្បីពិភាក្សា ផ្លាស់ប្តូរទស្សនៈយោបល់ និងការចែករំលែកបទពិសោធន៍ជាមួយគ្នាទៅវិញទៅមក តាមប្រព័ន្ធវីដេអូ នៅវេលាម៉ោង ១៤:០០ នាទីរសៀល នាថ្ងៃចន្ទ ទី១៨ ខែមករា ឆ្នាំ២០២១។

ក្នុងជំនួបនេះប្រធានរដ្ឋសភាកម្ពុជា និងប្រធានសភាប្រជាជនចិនទូទាំងប្រទេស នឹងពិភាក្សាផ្លាស់ប្តូរទស្សនៈយោបល់ និងការចែករំលែកបទពិសោធន៍ជាមួយគ្នាទៅវិញទៅមកលើប្រធានបទសំខាន់ៗមួយចំនួន ដើម្បីជំរុញលើកកម្ពស់កិច្ចសហប្រតិបត្តិការសភាប្រទេសទាំងពីរឲ្យកាន់តែស៊ីជម្រៅ និងគ្រប់ជ្រុងជ្រោយ ទាំងក្នុងក្របខណ្ឌទ្វេភាគី និងពហុភាគី។

កិច្ចប្រជុំនឹងពិភាក្សាពី ការផ្លាស់ប្តូរបទពិសោធន៍ និងកិច្ចសហប្រតិបត្តិការផ្នែកច្បាប់, កិច្ចសហប្រតិបត្តិការអន្តរជាតិប្រឆាំងនឹងរោគរាតត្បាត, ការស្តារសេដ្ឋកិច្ចនាដំណាក់កាលក្រោយរោគរាលដាល, ស្ថានភាពអន្តរជាតិ និងក្នុងតំបន់។