ភ្នំពេញ៖ សម្ដេច ហ៊ុន សែន បានប្រកាសឲ្យបិទសាលារៀននៅទីរួមខេត្តសៀមរាប ដើម្បីបញ្ជៀសពីការឆ្លងជំងឺកូវីដ១៩ ខណៈក្រសួងសុខាភិបាលបានរកឃើញ ករណីមួយកើតឡើងលើបុរសជនជាតិខ្មែរ អាយុ៣៨ ឆ្នាំ នៅខេត្តសៀមរាប។
ថ្លែងនៅក្នុងសន្និសិទ្ធសារព័ត៌មាន លោករដ្ឋមន្រ្តីក្រសួងសុខាភិបាល បានឲ្យដឹងថា សម្ដេច នាយករដ្ឋមន្រ្តី ហ៊ុន សែន ប្រកាសឲ្យបិទសាលារៀននៅទីរួមខេត្តសៀមរាប ដើម្បីទប់ស្កាត់ និងបញ្ចៀសនៃការឆ្លងនេះ។
ជាមួយគ្នានេះដែរ សាលារៀននៅភ្នំពេញ និងតាមបណ្ដាខេត្តនានានៅដំណើរការធម្មតា ពោលគឺបិទតែខេត្តសៀមរាបតែប៉ុណ្ណោះ។
សូមបញ្ជាក់ដែរថា ក្រសួងសុខាភិបាលបាននឹងកំពុងយកចិត្តទុកដាក់ និងមិនប្រងើយកន្តើយចំពោះរឿងនេះឡើយ៕
