ភ្នំពេញ៖ លទ្ធផលធ្វើតេស្តកូវីដ១៩ ជាលើកទី២ ចំពោះអ្នកតំណាងរាស្ត្រទាំងអស់នៃរដ្ឋសភាគឺអវិជ្ជមាន ក្នុងនោះរូបឯកឧត្តម ក៏ទទួលលទ្ធផលអវិជ្ជមានដែរ។ នេះបើតាម Facebook ផ្លូវការដែលឯកឧត្តម ហ៊ុន ម៉ានី បានសរសេរជាភាសាអង់គ្លេសបង្ហោះនៅម៉ោងពាក់កណ្តាលអធ្រាតថ្ងៃទី៨ ឈានចូលថ្ងៃទី៩ ខែធ្នូនេះ។
ឯកឧត្តម ហ៊ុន ម៉ានី សរសេរថា៖ «លទ្ធផលនៃការធ្វើតេស្តលើកទី២ Covid-19 គឺលទ្ធផលអវិជ្ជមានទាំងអស់។ ទាំងរាងកាយ និងអារម្មណ៍ នៅតែដដែលធម្មតា។ ប៉ុន្តែ ការធ្វើតេស្ត គឺត្រូវតែធ្វើ ដើម្បីឱ្យប្រាកដថា យើងម្នាក់ៗមានភាពច្បាស់លាស់ សម្រាប់ជាប្រយោជន៍សុខភាពយើង សម្រាប់ក្រុមគ្រួសារ និងប្រទេសរបស់យើងទាំងមូល។ រាត្រីសួស្តីអ្នកទាំងអស់គ្នា»៕
