Yearendyearend1140x150
Img 0571

វ៉ាក់សាំងប្រឆាំងកូវីដ១៩របស់ចិនចំនួន៦០០លានដូសនឹងអោយប្រើប្រាស់ក្នុងខែនេះ

អន្តរជាតិ
/
អ្នកយកព័ត៌មាន:
ស៊ីស៊ីថាមស៍
/
លោក វ៉ាងជីងជឹ អនុប្រធានក្រុមអ្នកជំនាញស្រាវជ្រាវបង្កើតវ៉ាក់សាំងប្រឆាំងកូវីដ១៩របស់ប្រទេសចិន។

ចិន៖ វ៉ាក់សាំងប្រឆាំងកូវីដ១៩របស់ប្រទេសចិនចំនួន៦០០លានដូស​ នឹងត្រូវបានអនុញ្ញាតិអោយចូលក្នុងទីផ្សារនៅក្នុងខែនេះ។

លោក វ៉ាងជីងជឹ អនុប្រធានក្រុមអ្នកជំនាញស្រាវជ្រាវបង្កើតវ៉ាក់សាំងប្រឆាំងកូវីដ១៩របស់ប្រទេសចិនបាននិយាយនៅឯសន្និបាតពិភពលោកស្តីពី ឱសថបុរាណចិននិងបស្ចិមប្រទេសកាលពីថ្ងៃសុក្រនេះថា៖“ទាក់ទងនឹងវ៉ាក់សាំងប្រឆាំងកូវីដ១៩ ១ទៅ២សប្តាហ៍ទៀតនឹងមានព័ត៌មានដ៏ធំមួយនឹងត្រូវបានប្រកាស។”

លោកបានមានប្រសាសន៍ថា៖“នៅក្នុងចុងឆ្នាំ២០២០នេះ វ៉ាក់សាំងប្រឆាំងកូវីដ១៩របស់ប្រទេសចិនចំនួន ៦០០ លានដូសនឹងត្រូវបានអនុញ្ញាតិអោយចូលក្នុងទីផ្សារ។”

គិតត្រឹមថ្ងៃពុធនេះ មានវ៉ាក់សាំងប្រឆាំងកូវីដ១៩ ចំនួន ២១៤ កំពុងត្រូវបានអភិវឌ្ឍនៅទូទាំងពិភពលោក។

ដោយក្នុងចំណោមនោះមាន វ៉ាក់សាំងប្រឆាំងកូវីដ១៩ចំនួន៥១ បានចូលដល់ដំណាក់កាលសាកល្បងព្យាបាល(CLINICAL TRIAL) ដែលក្នុងនោះមានវ៉ាក់សាំងរបស់ចិនចំនួន១៤។

ដោយឡែកមានវ៉ាក់សាំងចំនួន១៤ បានឆ្លងផុតដំណាក់កាលសាកល្បងព្យាបាល(CLINICAL TRIAL)ទី៣ហើយ ក្នុងនោះមានវ៉ាក់សាំងរបស់ចិនចំនួន៦ផងដែរ៕

វ៉ាក់សាំងប្រឆាំងកូវីដ១៩របស់ប្រទេសចិន។


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង