Cct850x100 1

ក្រុមហ៊ុនមួយបោះទុនជិត៣លានដុល្លារបង្កើតរោងចក្រសម្លៀកបំពាក់ពេទ្យនិងម៉ាស់នៅកណ្តាលស្ទឹង ខេត្តកណ្តាល

សេដ្ឋកិច្ច
/
អ្នកយកព័ត៌មាន:
ស៊ីស៊ីថាមស៍
/

ភ្នំពេញ៖ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រជាស្ថាពរជូនដល់ក្រុមហ៊ុនមួយ ដើម្បីបង្កើតរោងចក្រកាត់ដេរសម្លៀកបំពាក់ សម្លៀកបំពាក់ពេទ្យ និងម៉ាស់គ្រប់ប្រភេទ នៅក្នុងស្រុកកណ្តាលស្ទឹង ខេត្តកណ្តាល។ការសម្រេចនេះ គឺធ្វើឡើងតាមសំណើររបស់ក្រុមហ៊ុនដែលបានដាក់ស្នើមកក្រុមប្រឹក្សាអភិវឌ្ឍន៍កម្ពុជា។នេះបើតាមការចុះផ្សាយរបស់ក្រុមប្រឹក្សាអភិវឌ្ឍន៍កម្ពុជា។

ផេកផ្លូវការរបស់ក្រុមប្រឹក្សាអភិវឌ្ឍន៍កម្ពុជាបានសរសេរយ៉ាងដូច្នេះថា "តាមសំណើសុំវិនិយោគលើគម្រោងបង្កើតរោងចក្រកាត់ដេរសម្លៀកបំពាក់ សម្លៀកបំពាក់ពេទ្យ និងម៉ាស់គ្រប់ប្រភេទ របស់ក្រុមហ៊ុន LOGWOOD APPAREL CO., LTD. គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនខាងលើដែលមានទីតាំងវិនិយោគស្ថិតនៅភូមិអន្លង់រមៀតខាងលិច ឃុំអន្លង់រមៀត ស្រុកកណ្តាលស្ទឹង ខេត្តកណ្តាល"។

បើតាមក្រុមប្រឹក្សាអភិវឌ្ឍន៍កម្ពុជា គម្រោងបង្កើតរោងចក្រកាត់ដេរសម្លៀកបំពាក់ សម្លៀកបំពាក់ពេទ្យ និងម៉ាស់គ្រប់ប្រភេទ មានទុនវិនិយោគប្រមាណ ២,៧លានដុល្លារអាមេរិក និងអាចបង្កើតការងារបានចំនួន ៨១៤កន្លែង៕


Khcct banner

អត្ថបទទាក់ទង