កូរ៉េខាងត្បូងរកឃើញការសម្ងាត់កូរ៉េខាងជើងគ្រោងវាយប្រហារខ្លួន

កូរ៉េខាងត្បូង៖ ទីភ្នាក់ងារចារកម្មរបស់ប្រទេសកូរ៉េខាងត្បូងបានអះអាងថា ទីក្រុងព្យុងយ៉ាងកំពុងរៀបចំការវាយប្រហារ សំដៅទៅលើមន្ត្រី និងពលរដ្ឋរបស់ទីក្រុងសេអ៊ូលនៅក្រៅប្រទេស ដោយក្រសួងការបរទេសបានបង្កើនកម្រិតប្រកាសអាសន្នសម្រាប់បេសកកម្មការទូត នៅក្នុងប្រទេសចំនួនប្រាំ។ សេវាចារកម្មជាតិបានឲ្យដឹងទៀតថា ថ្មីៗនេះ បានរកឃើញសញ្ញាជាច្រើនដែលបង្ហាញថា កូរ៉េខាងជើងកំពុងរៀបចំសម្រាប់ការវាយប្រហារភេរវកម្មប្រឆាំងនឹងបុគ្គលិកស្ថានទូតរបស់ខ្លួន និងពលរដ្ឋនៅក្នុងប្រទេសផ្សេងៗ ដូចជា ប្រទេសចិន អាស៊ីអាគ្នេយ៍ និងមជ្ឈិមបូព៌ា។

បើតាមក្រសួងការបរទេសកូរ៉េខាងត្បូង ខ្លួនបានបង្កើនស្ថានភាពប្រកាសអាសន្នប្រឆាំងនឹងអំពើភេរវកម្មសម្រាប់បេសកកម្មការទូតចំនួនប្រាំរបស់ខ្លួន គឺស្ថានទូតនៅកម្ពុជា ឡាវ វៀតណាម ក៏ដូចជាស្ថានកុងស៊ុលរបស់ខ្លួននៅទីក្រុងកំពង់ផែរុស្ស៊ី Vladivostok និងទីក្រុងចិន។

ជាមួយគ្នានោះ ក្រុងព្យុងយ៉ាងត្រូវបានគេសង្ស័យថា ជាអ្នកនៅពីក្រោយការសម្លាប់កុងស៊ុលកូរ៉េខាងត្បូងក្នុងទីក្រុងវ្លាឌីវ៉ូស្តុកឆ្នាំ ១៩៩៦ ដែលត្រូវបានវាយប្រហារនិងសម្លាប់ដោយជនមិនស្គាល់អត្តសញ្ញាណម្នាក់។ ក្នុងឆ្នាំ ១៩៨៣ បានចាប់ផ្តើមការប៉ុនប៉ងធ្វើឃាតនៅក្នុងប្រទេសមីយ៉ាន់ម៉ា នៅពេលដែលគ្រាប់បែកមួយបានផ្ទុះ នៅទីក្រុងយ៉ាំងហ្គោន ក្នុងអំឡុងពេលទស្សនកិច្ចរបស់ប្រធានាធិបតីកូរ៉េខាងត្បូងលោក ជុន ឌូ-ហ័ន នាពេលនោះ។ លោក ជុន ឌូ-ហ័ន លោកបានរួចរស់ជីវិត ប៉ុន្តែមនុស្ស ២១ នាក់ រួមទាំងរដ្ឋមន្ត្រីរដ្ឋាភិបាលមួយចំនួនត្រូវបានសម្លាប់។

នៅឆ្នាំនេះ មេដឹកនាំរបបព្យុងយ៉ាង លោក គីម ជុងអ៊ុន បានប្រកាសថា រដ្ឋធានីសេអ៊ូល ជាសត្រូវចម្បងរបស់ប្រទេសខ្លួន ខណៈអង្គការនានាដែលទទួលខុសត្រូវលើការផ្សព្វផ្សាយ និងការបង្រួបបង្រួមបានចេញការព្រមានអំពីសង្គ្រាម ប្រសិនបើមានការឈ្លានពានទឹកដីសូម្បីតែ០,០០១មីលីម៉ែត្ររវាងប្រទេសកូរ៉េទាំងពីរ។

គួរបញ្ជាក់ថាប្រទេសកូរ៉េខាងជើងមានទំនាក់ទំនងការទូតជាមួយប្រទេសជាង១៥០ ប៉ុន្តែចំនួនបេសកកម្មដែលខ្លួនដាក់ឈរជើងនៅបរទេសបានធ្លាក់ចុះចាប់តាំងពីទសវត្សរ៍ឆ្នាំ១៩៩០ ដោយសារតែឧបសគ្គផ្នែកហិរញ្ញវត្ថុ។ កាលពីចុងឆ្នាំមុន កូរ៉េខាងជើងបានបិទស្ថានទូតមួយចំនួន រួមទាំងសម្ព័ន្ធមិត្តអាហ្វ្រិកសំខាន់ៗ អង់ហ្គោឡា និងអ៊ូហ្គង់ដា អេស្ប៉ាញ និងហុងកុង៕