Yearendyearend1140x150
Img 0571

ក្រសួងសុខាភិបាលប្រកាសឱ្យពលរដ្ឋ«ការពារខ្លួន»ខណៈអ្នកឆ្លងកូវីដ-១៩ថ្មីកើនបន្ថែម៩នាក់

សង្គម
/
អ្នកយកព័ត៌មាន:
ស៊ីស៊ីថាមស៍
/
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល

ភ្នំពេញ៖ក្រសួងសុខាភិបាលកម្ពុជា នៅថ្ងៃទី២៧ មិថុនា ឆ្នាំ២០២០នេះ បានបន្តប្រកាសឱ្យប្រជាពលរដ្ឋត្រូវបន្តការពារខ្លួន កុំភ្លេចវីរុសកូវីដ-១៩ នេះឲ្យសោះណា។ការប្រកាសនេះធ្វើឡើងភ្លាមៗបន្ទាប់ពីកម្ពុជាបានរកឃើញអ្នកឆ្លងកូវីដ-១៩ថ្មីបន្ថែមដល់៩នាក់ ដែលជាករណីនាំចូលពីប្រទេសឥណ្ឌូនេស៊ី កាលពីថ្ងៃទី២៦ មិថុនាកន្លងទៅ។

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល តាមរយៈសារតេឡេក្រាម បានអំពាវនាវថា "សូមបងប្អូនទាំងអស់បន្តការពារខ្លួន កុំភ្លេចវីរុសកូវីដ-១៩ នេះឲ្យសោះណា។ វីរុសដ៏កាចសាហាវនេះ មិនដែលភ្លេចយេីងទេ រងចាំតែមានឱកាស មានការធ្វេសប្រហែស និងឲ្យតែមានពេលចន្លោះតែមួយភ្លែតៗដែលយេីងមិនបានការពារខ្លួន វីរុសដ៏កាចសាហាវនេះ នឹងអាចឆ្លងមកចូលខ្លួនយេីងហេីយណាបងប្អូន"។ 

បើតាមលោកជំទាវ មានតែការការពារតាមវិធានការដែលបានណែនាំដោយក្រសួងសុខាភិបាលជារឿយៗមកហេីយនោះទេ ដែលអាចជួយ ចៀសផុតពីគ្រោះកាចចង្រៃនៃការចម្លងជំងឺកូវីដ-១៩ នេះបាន។

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង