Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

មេធាវីសម្តេច ហ៊ុន សែន៤រូបចុះជួបផ្ទាល់ក្រុមគ្រួសារជនរងគ្រោះនិងទារក

សង្គម
/
អ្នកយកព័ត៌មាន:
Kun Sombor
/

ភ្នំពេញ៖ ​ក្រុម​មេធាវី​ស្ម័គ្រចិត្ត​សម្ដេច ហ៊ុន សែន ចំនួន៤នាក់ នៅថ្ងៃទី ៦ ធ្នូនេះបានចុះទៅជួបផ្ទាល់ក្រុមគ្រួសារជនរងគ្រោះ និង ទារក ​ដែល​ត្រូវរថយន្តបុកបង្ករគ្រោះថ្នាក់​ធ្ងន់ធ្ងរ​។នេះបើតាមលោកមេធាវី​ គី​ តិច​ ប្រធាន​ក្រុម​មេធាវី​ស្ម័គ្រចិត្ត​សម្ដេចតេជោ​ បានថ្លែងប្រាប់​សារព័ត៌មានស៊ីស៊ីថាមស៍។

លោកមេធាវី​ គី​ តិច​ បានប្រាប់ស៊ីស៊ីថាមស៍ថា បន្ទាប់​ពី​ទទួល​បាន​សំណូមពរ​ជាច្រើន​ពី​ប្រជាពលរដ្ឋ​អោយជួយ​រកយុត្តិធម៌ជូន​គ្រួសារ​មួយរួមទាំង​ទារកម្នាក់ផង​ដែល​ត្រូវរថយន្តបុកបង្ករគ្រោះថ្នាក់​ធ្ងន់ធ្ងរ​នោះ​ លោកបានចាត់​តាំង​មេធាវី​ស្ម័គ្រចិត្ត​សម្ដេចតេជោ​ចំនួន៤នាក់ទៅ​ជួបគ្រួសារ​ជនរងគ្រោះ​ហើយ​ ដេីម្បី​ការពារ​តាមផ្លូវ​ច្បាប់​។

បើតាមលោកមេធាវី​ គី​ តិច បច្ចុប្បន្នជនបង្ករ និង រថយន្ត បានឃាត់ខ្លួន នៅស្នងការនគរបាលក្រុង ចំណែកក្មេងតូច គ្រោះថ្នាក់ធ្ងន់ធ្ងរ មិនទាន់មានព័ត៌មានច្បាស់ថា ស្លាប់ឬនៅទេ។

គួរបញ្ជាក់ថា យ៉ាងហោចណាស់មាន មនុស្សចាស់២នាក់ និងកូនតូច ត្រូវបានរថយន្ត LEXUS NX200t បើកបរដោយបុរសម្នាក់ ក្នុងល្បឿនលឿនឆ្លងកាត់ស្ពានជ្រោយចង្វារ ក្នុងទិសដៅពីលិចទៅកើត បុកម៉ូតូ ពេញទំហឹង បណ្តាលឲ្យមនុស្សចាស់ និង អូនតូចខ្ទាតកំពុងជួយសង្គ្រោះ។ជនបង្កត្រូវសមត្ថកិច្ចឃាត់ បញ្ជូនទៅប៉ុស្តិ៍ភ្លាមៗ រីឯរថយន្ត ត្រូវបានជនមិនស្គាល់មុខ វាយបំបែកកញ្ចក់ទាំងកំហឹង។

ហេតុការណ៍នេះ កើតហេតុម៉ោង២អធ្រាត្រ ថ្ងៃទី៥ ខែធ្នូ ឆ្នាំ២០២២ ទីតាំងកើតហេតុ លើស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ករណីគ្រាន់​តែបង់លុយ​ ២៥០០​ ដុល្លារ​បញ្ចប់​រឿង​ធ្វើ​អោយ​មហាជន​រិះគន់​កក្រើក​​ហ្វេសប៊ុក​ និង​ ទាមទារអោយយកជនបង្ករទៅ​ផ្ដន្ទាទោសតាមច្បាប់​៕

ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង