ស្ថានីយ៍ក្រោមដីដើរតួនាទីយ៉ាងសំខាន់ក្នុងការបាញ់បង្ហោះផ្កាយរណប

ចិន៖ ស្ថានីយ៍ក្រោមដីនៃមជ្ឈមណ្ឌលបាញ់បង្ហោះផ្កាយរណប Xichang បានដើរតួយ៉ាងសំខាន់ក្នុងការបាញ់បង្ហោះផ្កាយរណបចុងក្រោយនៃប្រព័ន្ធផ្កាយរណបនាវាចរណ៍ BeiDou របស់ចិន (BDS) ព្រោះវាដំណើរការសេវាកម្មដឹកជញ្ចូនមានភាពស្មុគស្មាញនិងគ្រោះថ្នាក់ ដែលចាំបាច់មុននិងក្រោយពេលបាញ់បង្ហោះ។

លោក Huang Yulin ប្រធានប្រព័ន្ធសេវាកម្មក្រោមដីនៅមជ្ឈមណ្ឌលបាញ់បង្ហោះផ្កាយរណបស៊ីឆាងបាននិយាយថា ស្ថានីយ៍ក្រោមដីទទួលខុសត្រូវជាចម្បងលើសេវាកម្មដឹកជញ្ជូនផ្សេងៗទាក់ទងនឹងផ្កាយរណបនិងរ៉ុក្កែតរួមមាន ការកាន់កាប់ ការតំឡើង ការផ្ទេរ ការចត ការដាក់ឯកសារ ការតំឡើងម៉ាស៊ីនត្រជាក់ក៏ដូចជាការផ្គត់ផ្គង់ថាមពលទឹកនិងហ្គាសជាដើម។

លោក Wang Jia ប្រធានប្រតិបត្តិការបាននិយាយថា"ការបំពេញដំណើរការមុខងារ គឺជាផ្នែកចុងក្រោយមុនពេលបាញ់បង្ហោះ ដោយជាទូទៅយើងចាប់ផ្តើមបំពេញមុខងារ ៤៨ ម៉ោងមុនពេលបាញ់ចេញប៉ុន្តែពេលនេះយើងចាប់ផ្តើម ២៤ ម៉ោងមុន ដោយភាគច្រើនផ្តោតលើលក្ខខណ្ឌជុំវិញការបាញ់រ៉ុក្កែត។

កម្មករនិយោជិតនៅក្នុងផ្នែកនេះត្រូវមានកាតព្វកិច្ចនៅអំឡុងម៉ោងធ្វើការ ដើម្បីឱ្យសេវាកម្មផ្គត់ផ្គង់ថាមពលមានស្ថេរភាពនិងអាចទុកចិត្តបាន ហើយត្រូវបានបញ្ជូនទៅកន្លែងសំខាន់ៗរួមទាំងរោងចក្រផ្កាយរណប ការដ្ឋានបាញ់បង្ហោះ និងមជ្ឈមណ្ឌលបញ្ជា។

ការបាញ់បង្ហោះផ្កាយរណប BDS-3 ដើមឡើយត្រូវបានកំណត់នៅថ្ងៃទី ១៦ ខែមិថុនា ប៉ុន្តែក្រោយមកត្រូវបានពន្យារពេលដោយសារបញ្ហាបច្ចេកទេសត្រូវបានរកឃើញនៅក្នុងការសាកល្បងមុនពេលចាប់ផ្តើម។ ដោយបញ្ហាបច្ចេកទេសទាំងនេះត្រូវបានដោះស្រាយ ហើយ Long March-3B ដែលត្រូវបានប្រើដើម្បីបាញ់បង្ហោះផ្កាយរណបនោះ ហើយបានបញ្ចប់ការធ្វើតេស្តទាំងអស់មុនពេលបំពេញមុខងាររបស់ផ្កាយរណប។

គួរបញ្ជាក់ថា ប្រព័ន្ធ BeiDou បានចាប់ផ្តើមប្រើប្រាស់នៅចិនតាំងពីឆ្នាំ ២០០០ និងតំបន់អាស៊ីប៉ាស៊ីហ្វិកក្នុងឆ្នាំ ២០១២។ បណ្តាញនាវាចរណ៍ BeiDou នឹងត្រូវបញ្ចប់ក្នុងខែនេះ នៅពេលផ្កាយរណបចុងក្រោយរបស់វាចូលទៅក្នុងគន្លង ហើយវានឹងក្លាយជាប្រព័ន្ធផ្កាយរណបលើកទី ៤ បន្ទាប់ពីប្រព័ន្ធ GPS របស់សហរដ្ឋអាមេរិក ប្រព័ន្ធ GLONASS របស់រុស្ស៊ី និងប្រព័ន្ធ Galileo សហភាពអឺរ៉ុប ៕