Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

វៀតណាមធ្វើ«សមយុទ្ធ»ពិសេសជាមួយឥណ្ឌា

អន្តរជាតិ
/
អ្នកយកព័ត៌មាន:
កូ រដ្ឋា
/
មន្ត្រីនៃកងពលតូចលេខ ១៦៧ និងនាវិកនៃកងនាវាចរឥណ្ឌា / VN Express

វៀតណាម៖ កប៉ាល់មីស៊ីល ៣៧៩ របស់វៀតណាមនាថ្ងៃទី ៤ នេះបានចូលរួមពិសេសក្នុងវគ្គហ្វឹកហ្វឺនច្រើនប្រភេទជាមួយនាវាពិឃាត និងនាវាមុជទឹករបស់ប្រទេសឥណ្ឌា ដែលបានមកដល់ទីក្រុងហូជីមិញក្នុងសប្តាហ៍នេះ។ សមយុទ្ធនេះធ្វើឡើងចំពេលវៀតណាមបានព្រមានតៃវ៉ាន់ជុំវិញនៃការរំលោភដែនសមុទ្ររបស់ខ្លួន។ នេះបើយោងតាមការចុះផ្សាយរបស់កាសែតវៀតណាម VN Express។

កប៉ាល់វៀតណាមបានចូលរួមសមយុទ្ធជាមួយនាវាពិឃាត INS Shivalik និងនាវាមុជទឹក INS Kamorta បានអនុវត្តការបង្កើត ការស្វាគមន៍ ការផ្លាស់ប្តូរព័ត៌មាន និងការផ្តល់សញ្ញាអន្តរជាតិ។ សមយុទ្ធនេះក៏បានបណ្តុះបណ្តាលដើម្បីអនុវត្តក្រមសម្រាប់ការជួបដោយមិនបានគ្រោងទុកនៅសមុទ្រ (CUES) នៃបណ្តាប្រទេសប៉ាស៊ីហ្វិកខាងលិច។ វគ្គហ្វឹកហ្វឺនត្រូវបានអនុវត្តដោយជោគជ័យ ទោះបីជាមានរលកខ្ពស់ និងខ្យល់បក់ខ្លាំងក៏ដោយ។

លោកវរសេនីយ៍ឯក Nguyen Duc Thien មេបញ្ជាការរងកងពលតូចលេខ ១៦៧ បានឲ្យដឹងថា សកម្មភាពហ្វឹកហ្វឺនរួមគ្នានឹងជួយភាគីទាំងពីរផ្លាស់ប្តូរបទពិសោធន៍ បង្កើនជំនាញ និងសមត្ថភាពក្នុងលំហាត់បង្កើត ការអនុវត្តក្រមសីលធម៌ និងប្រតិបត្តិការជួយសង្គ្រោះផ្សេងៗលើដែនសមុទ្យ។

គួរបញ្ជាក់ថាទំនាក់ទំនងវៀតណាម-ឥណ្ឌាបានអភិវឌ្ឍន៍យ៉ាងខ្លាំងក្លាក្នុងប៉ុន្មានឆ្នាំថ្មីៗនេះលើវិស័យសេដ្ឋកិច្ច នយោបាយ និងសន្តិសុខ។ ប្រទេសទាំងពីរបានធ្វើឱ្យប្រសើរឡើងនូវទំនាក់ទំនងទៅជាភាពជាដៃគូយុទ្ធសាស្ត្រលើគ្រប់ជ្រុងជ្រោយក្នុងដំណើរទស្សនកិច្ចរបស់នាយករដ្ឋមន្ត្រីឥណ្ឌា Narendra Modi ទៅកាន់ប្រទេសវៀតណាមក្នុងខែកញ្ញា ឆ្នាំ ២០១៦៕

ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង