Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

“មណ្ឌលសុខភាពស្រលាញ់ទារក”នឹងលើកកម្ពស់គុណភាពសេវានៅមណ្ឌលសុខភាព៨ នៅខេត្តសៀមរាប

សង្គម
/
អ្នកយកព័ត៌មាន:
ឃុន សម្ផស្ស
/

ភ្នំពេញ៖ ដោយមានការសម្របសម្រួលយ៉ាងជិតស្និទ្ធជាមួយមជ្ឈមណ្ឌលជាតិគាំពារមាតា និងទារក និងកម្មវិធីអាហារូបត្ថម្ភជាតិ អង្គការ ទស្សនៈពិភពលោកអន្តរជាតិនៅកម្ពុជា នឹងដាក់ឱ្យដំណើការអនុវត្តសាកល្បង “មណ្ឌលសុខភាពស្រលាញ់ទារក និងការថែទាំព្យាបាលបញ្ហាកង្វះអាហារូបតម្ថស្រួចស្រាល់” នៅថ្ងៃទី២៩ ខែវិច្ឆិកា ឆ្នាំ២០២២ នៅសណ្ឋាគារអ៊ីមប្រេស ខេត្តសៀមរាប។

កម្មវិធីសាកល្បងរយៈពេលមួយឆ្នាំនេះ មានគោលបំណងធ្វើឱ្យប្រសើរឡើងនូវអត្រាបំបៅកូនដោយទឹកដោះម្តាយ និងសុខុមាលភាពកុមារ តាមរយៈការលើកកម្ពស់ការអនុវត្ត “មណ្ឌលសុខភាពស្រលាញ់ទារក” នៅតាមមណ្ឌលសុខភាពចំនួន៨ ស្របតាមគោលការណ៍ណែនាំគំនិតផ្តួចផ្តើម មន្ទីពេទ្យស្រលាញ់ទារក ដែលក្រសួងសុខាភិបាល បានឱ្យដាក់ដំណើរការ កាលខែកញ្ញា ឆ្នាំ២០២២។

នៅមណ្ឌលសុខភាពទាំង៨នេះ អង្គការទស្សនៈពិភពលោកអន្តរជាតិ ក៏នឹងធ្វើឱ្យប្រសើរឡើងនូវការកំណត់អត្តសញ្ញាណ ការបញ្ជូនបន្ត និងការតាមដានកុមារដែលមានកង្វះអាហារូបត្ថម្ភស្រួចស្រាល់ ដែលរួមចំណែកដល់ផែនការសកម្មភាពជាសកលស្តីពីការកាត់បន្ថយភាពស្គមស្គាំងរបស់កុមារ (កង្វះអាហារូបត្ថម្ភស្រួចស្រាល់) របស់អង្គការសហប្រជាជាតិ (ឆ្នាំ២០២១) និងការអនុវត្តគោលការណ៍ណែនាំបណ្តោះអាសន្នស្តីពីការតាមដាន និងលើកកម្ពស់ការលូតលាស់របស់កុមារអាយុក្រោម៥ឆ្នាំនៅកម្ពុជា។

គំនិតផ្តួចផ្តើមសាកល្បងនេះ នឹងផ្តល់អត្ថប្រយោជន៍ដល់កុមារអាយុក្រោម៥ឆ្នាំ ដែលមានកង្វះអាហារូបត្ថម្ភស្រួចស្រាល់នៅក្នុងតំបន់ទាំងនេះ។ ទារកទើបកើតជាង២០០០នាក់ និងស្រ្តីមានផ្ទៃពោះជាង៣០០០នាក់ នឹងទទួលបានផលវិជ្ជមាន ពីការលើកកម្ពស់ការអនុវត្ត “មណ្ឌលសុខភាពស្រលាញ់ទារក”។ មិនត្រឹមតែប៉ុណ្ណោះ គម្រោងនេះ ក៏នឹងជួយលើកកម្ពស់គុណភាពសេវានៅមណ្ឌលសុខភាពចំនួន ៨ នៅស្រុកពួក និងស្រុកវ៉ារិន ព្រមទាំងមន្ទីរពេទ្យបង្អែកអង្គរជុំ ខេត្តសៀមរាប។

បើតាមលោកស្រី Grana Pu Selvi ប្រធានបច្ចេកទេសកម្មវិធីអាហារូបត្ថម្ភនៃអង្គការទស្សនៈពិភពលោកអន្តរជាតិ នៅ កម្ពុជា បានមានប្រសាសន៍ថា គ្រឹះស្ថានសុខាភិបាល ដើរតួនាទីយ៉ាងសំខាន់ក្នុងការលើកទឹកចិត្ត និងគាំទ្រម្តាយវ័យក្មេងឱ្យបំបៅកូនដោយទឹកដោះ។

Grana បានបញ្ជាក់ទៀត ៖ “ប៉ុន្មានថ្ងៃដំបូងនៃជីវិតរបស់ទារកទើបនឹងកើត គឺជាពេលវេលាដ៏សំខាន់មួយក្នុងការគាំទ្រដល់ម្តាយ ដើម្បីឱ្យពួកគាត់បំបៅកូនដោយទឹកដោះប្រកបដោយជោគជ័យ។ អង្គការយូនីសេហ្វ និងអង្គការសុខភាពពិភពលោក បានចាប់ផ្តើមដាក់ឱ្យប្រើប្រាស់ គំនិតផ្តួចផ្តើម មន្ទីរពេទ្យស្រលាញ់ទារក ជាសកល ដើម្បីលើកទឹកចិត្តដល់គ្រឹះស្ថានសុខាភិបាលទូទាំងសកលលោក គាំទ្រដល់ការបំបៅកូនដោយទឹកដោះម្តាយ ឱ្យកាន់តែប្រសើរឡើង។

រដ្ឋលេខាធិការក្រសួងសុខាភិបាល លោកជំទាវបណ្ឌិត ប្រាក់ សោភ័ណ្ឌនារី មានប្រសាសន៍ថា ៖ “ក្រសួងសុខាភិបាលសហការជាមួយដៃគូអភិវឌ្ឍន៍ ដូចជាអង្គការទស្សនៈពិភពលោកអន្តរជាតិ ដើម្បីបង្កើនអត្រាបំបៅដោះកូននៅក្នុងប្រទេស។ វាចាំបាច់ណាស់ក្នុងការលើកកម្ពស់ចំណេះដឹងក្នុងចំណោមស្ត្រីមានផ្ទៃពោះ និងម្តាយក្រោយសម្រាល អំពីអត្ថប្រយោជន៍នៃការបំបៅកូនដោយទឹកដោះម្តាយ”៕

ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង