Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

ជនដែលឆក់កាបូប បណ្ដាលឲ្យក្មេងស្រីម្នាក់ស្លាប់ត្រូវបាននគរបាលព្រហ្មទណ្ឌឃាត់ខ្លួន

សង្គម
/
អ្នកយកព័ត៌មាន:
ជួន រស្មី
/

កណ្ដាល៖ ជនដែលឆក់កាបូប បណ្ដាលឲ្យក្មេងស្រីម្នាក់ដួលចូលក្រោមរថយន្ដ ហើយត្រូវរថយន្ដកិនស្លាប់ នៅស្រុកស្អាង ខេត្តកណ្ដាលនោះ ត្រូវកម្លាំងនាយកដ្ឋាននគរបាលព្រហ្មទណ្ឌ ដឹកនាំសហការស្រាវជ្រាវបង្ក្រាបបានហើយ ​នៅថ្ងៃទី២០ វិច្ឆិកា​ វេលាម៉ោង១៦:៤៥នាទី។

ស្នងការដ្ឋាន​នគរបាល​ខេត្ត​កណ្តាល​ បានធ្វេីការបង្រ្កាប​ និងឃាត់ខ្លួនជនសង្ស័យ​ឈ្មោះ​ សុខឃឿន សុីផាត ភេទប្រុស​ អាយុ២១ឆ្នាំ​ ជនជាតិខ្មែរ​ ស្នាក់នៅភូមិតាលន់ ឃុំតាលន់ ស្រុកស្អាង ខេត្តកណ្តាល​ ពាក់ព័ន្ធករណី​ លួចមានស្ថានទម្ងន់ទោស​ ចំណែកអ្នកបេីកម៉ូតូឈ្មោះ​ ផា​ សុភ័ណ្ឌ​​ ភេទប្រុស​ អាយុ២៤ឆ្នាំ​ ជនជាតិខ្មែរ​ ស្នាក់នៅ​ភូមិតាលន់​ ឃុំតាលន់​ ស្រុកស្អាង​ ខេត្តកណ្តាល​ (គេចខ្លួន​)។

បន្ទាប់ពីធ្វើការជាត់ខ្លួនហើយ ​កម្លាំងជំនាញ​ការិយាល័យបានដកហូត​ម៉ូតូចំនួន០១គ្រឿង​ ម៉ាកហុងដាឌ្រី​ម C125​ ពណ៌ខ្មៅ ផ្លាកលេខកណ្ដាល 1-AB 6159 និង ប្រគល់ជនសង្ស័យ​ ជូនកម្លាំងជំនាញស្នងការដ្ឋាននគរបាលខេត្តកណ្តាល​ ដេីម្បី​ចាត់ការតាមនីតិវិធី​ ចំណែកបក្ខពួកឈ្មោះ​ ផា​ សុភ័ណ្ឌ​ កំពុងបន្តធ្វេីការស្រាវជ្រាវ​ ។

គួរបញ្ជាក់ថា​ កាលពីថ្ងៃទី១៩​ ខែវិច្ឆិកា​​ វេលាម៉ោង​១៦:៣០នាទី​ ជនរងគ្រោះឈ្មោះ ស៊ឹម រស្មី ភេទស្រី​ អាយុ៣២ឆ្នាំ​ ជនជាតិខ្មែរ​ បានបើកបរម៉ូតូឌុបកូនស្រី​ឈ្មោះ​ អារីកា​ អាយុ០៤ឆ្នាំ​ លុះពេលធ្វើដំណើរមកដល់ចំណុចបណ្តោយផ្លូវជាតិលេខ២១ ភូមិដេីមព្រីង​ ឃុំកោះខែល​ ស្រុកស្អាង​ ខេត្តកណ្តាល​ ក្នុងទិសដៅពីត្បូងទៅជើង ស្រាប់តែមានជនសង្ស័យឈ្មោះ ផា សុភណ្ឌ័​ (អ្នកបើកម៉ូតូ) និងឈ្មោះ សុខខឿន សុផាត (ជិះពីក្រោយ​) បានធ្វើសកម្មភាពឆក់កាបូប​ ពីជនរងគ្រោះឈ្មោះ ស៊ឹម រស្មី បណ្ដាលឱ្យដួលម៉ូតូជនរងគ្រោះ​ ហេីយខ្ទាតជនរងគ្រោះឈ្មោះ អារីកា ចូលទៅក្រោមរថយន្តកិនស្លាប់នៅនឹងកន្លែងកើតហេតុតែម្ដង។​ ក្រោយពីធ្វេីសកម្មភាពរួច​ ជនសង្ស័យ​បានបេីកម៉ូតូគេចខ្លួន​ ។


ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង