កម្ពុជាទទួលបានភ្ញៀវទេសចរសរុបជាង២២ម៉ឺននាក់នៅចុងសប្ដាហ៍ថ្ងៃទី៣០-៣១កក្កដា

ភ្នំពេញ៖ ចុងសប្តាហ៍ថ្ងៃទី៣០-៣១ ខែកក្កដា ឆ្នាំ២០២២ កម្ពុជាទទួលបានភ្ញៀវសរុបទូទាំងប្រទសសរុបមានចំនួន២២០,៩៣៧នាក់ ក្នុងនោះភ្ញៀវជាតិ ២០៤.៥៨៥នាក់ ភ្ញៀវបរទេសផ្ទៃក្នុង ១៦,៣៥២នាក់។ តាមរយៈតួលេខខាងលើ មានការកើនឡើងប្រមាណ៣.៤៣% ធៀបនឹងសប្តាហ៍កន្លងមក ជាមួយអាកាសធាតុល្អប្រសើរ និងមានភ្លៀងធ្លាក់តិចជាងសប្តាហ៍កន្លងមុន។ នេះបើតាមរបាយការណ៍របស់ក្រសួងទេសចរណ៍។

បើតាមរបាយយការណ៍ គោលដៅទេសចរណ៍សំខាន់ៗ រួមមាន៖ ខេត្តកំពត ៣៤,៩៦៨នាក់, ខេត្តព្រះសីហនុ ៣៣,៣៨៨ នាក់,ខេត្តសៀមរាប ២៥,៧១៥នាក់, ខេត្តបាត់ដំបង ២០,៥៥៤នាក់, រាជធានីភ្នំពេញ ១៧,៩៧៥នាក់, ខេត្តកែប ១៥,២៣៩នាក់, ខេត្តកណ្តាល ៩,៦១៦នាក់, ខេត្តកំពង់ស្ពឺ ៩,៣៤២នាក់ និងខេត្តពោធិ៍សាត់ ៨,៩១៣នាក់៕