Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Cc time 1800 x 300

ធនាគារពិភពលោកថាសេដ្ឋកិច្ចសកលនឹងធ្លាក់ចុះ៥,២ ភាគរយនៅឆ្នាំនេះ

សង្គម
/
អ្នកយកព័ត៌មាន:
លី ម៉ាលីង
/
របាយការណ៍ធនាគារពិភពលោក

ធនាគារពិភពលោកបានបង្ហាញនៅក្នុងរបាយការណ៍ចុងក្រោយរបស់ខ្លួនស្តីពីចក្ខុវិស័យសេដ្ឋកិច្ចសកលដែលបានចេញផ្សាយកាលពីថ្ងៃច័ន្ទថា សេដ្ឋកិច្ចពិភពលោកនឹងធ្លាក់ចុះ ៥,២ ភាគរយនៅឆ្នាំនេះ ចំពេលការរីករាលដាលនៃជំងឺកូវីដ១៩ ដែលជាការធ្លាក់ចុះយ៉ាងខ្លាំងចាប់តាំងពីសង្គ្រាមលោកលើក ទី២។

យោងតាមរបាយការណ៍បានឲ្យដឹងថា ប្រាក់ចំណូលសម្រាប់មនុស្សម្នាក់ៗ ត្រូវបានគេរំពឹងថានឹងធ្លាក់ចុះ ៣,៦ ភាគរយ ដែលធ្វើឱ្យប្រជាជនរាប់លាននាក់ធ្លាក់ខ្លួនក្រ។ របាយការណ៍ដដែល ក៏បានបង្ហាញផងដែរថាសេដ្ឋកិច្ច ដែលរងការវាយប្រហារខ្លាំងបំផុតគឺប្រទេសដែលពឹងផ្អែកខ្លាំងភាគច្រើនលើពាណិជ្ជកម្មពិភពលោក ទេសចរណ៍ ការនាំចេញទំនិញ និងហិរញ្ញប្បទានខាងក្រៅ។

របាយការណ៍បានប៉ាន់ប្រមាណថាសកម្មភាពសេដ្ឋកិច្ចរបស់ប្រទេសអភិវឌ្ឍន៍អាចធ្លាក់ចុះ ៧ ភាគរយដោយសារតែការរំខានយ៉ាងខ្លាំងដល់តម្រូវការក្នុងស្រុកនិងការផ្គត់ផ្គង់ពាណិជ្ជកម្ម និងហិរញ្ញវត្ថុ ហើយទីផ្សារកំពុងរីកចម្រើននិងសេដ្ឋកិច្ចកំពុងអភិវឌ្ឍន៍ (EMDEs) អាចនឹងធ្លាក់ចុះ ២,៥ ភាគរយ។

ធនាគារពិភពលោក បានព្យាករណ៍ថា កំណើនសេដ្ឋកិច្ចស្តារនីតិសម្បទា ៤,២ ភាគរយនៅក្នុងឆ្នាំ ២០២១ ដោយមានសេដ្ឋកិច្ចអភិវឌ្ឍន៍នឹងកើនឡើង ៣,៩ ភាគរយនិងសេដ្ឋកិច្ចកំពុងអភិវឌ្ឍន៍ (EMDEs) ៤,៦ ភាគរយ៕


ផ្ទាំងពាណិជ្ជកម្ម
Img 9694
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង