Yearendyearend1140x150

អ្នកជំនាញសេដ្ឋកិច្ច៖ កម្ពុជាមិនសូវប៉ះពាល់ខ្លាំងពីការឡើងថ្លៃប្រាក់ដុល្លារ

សេដ្ឋកិច្ច
/
អ្នកយកព័ត៌មាន:
ហួ ឆេងស៊ីម
/
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ច

ភ្នំពេញ៖ អ្នកជំនាញសេដ្ឋកិច្ចកម្ពុជា បានប្រាប់ស៊ីស៊ីថាមស៍ថា បើទោះបីជាមួយរយៈពេលចុងក្រោយនេះ អត្រាប្តូរប្រាក់ដុល្លារនៅកម្ពុជាមានការកើនឡើងក្ដី ក៏ប្រទេសកម្ពុជាហាក់មិនសូវរងផលប៉ះពាល់ច្រើនដែរ ដោយសារតែអាជីវកម្ម ឬផលិតកម្មនានាបានប្រើប្រាស់ដើមទុនជាលុយដុល្លារ មួយវិញទៀតប្រព័ន្ធអត្រាប្ដូរប្រាក់របស់កម្ពុជា ជាប្រព័ន្ធចម្រុះដែលមានការប្រើប្រាស់ទាំងលុយដុល្លារ លុយរៀល លុយបាត ឬលុយដុងជាដើម។

លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចបានប្រាប់ស៊ីស៊ីថាមស៍នៅថ្ងៃនេះថា បច្ចុប្បន្ននេះ អត្រាប្ដូរប្រាក់ដុល្លារមានការប្រែប្រួលធៀបជាមួយប្រាក់អឺរ៉ូ តែប្រាក់ដុល្លារមិនបានប្រែប្រួលធៀបជាមួយប្រាក់រៀលនោះទេ ដូចនេះការប្រែប្រួលនៃអត្រាប្ដូរប្រាក់គឺត្រូវមើលទៅលើផលធៀបរវាងរូបិយវត្ថុប្រទេសមួយធៀបនឹងរូបិយប័ណ្ណបរទេស មានន័យថាពេលនេះលុយអឺរ៉ូចុះថ្លៃជាងលុយដុល្លារ ហើយយើងក៏មិនអាចនិយាយបានថាលុយដុល្លារអាចឡើងរហូតបានទេ។

លោកបណ្ឌិតបន្តថា កាលណាលុយដុល្លារឡើងថ្លៃ កម្ពុជាអាចនឹងមានផលប៉ះពាល់ចំពោះការឡើងថ្លៃទំនិញ ព្រោះកម្ពុជាជាប្រទេសដែលទិញទំនិញពីបរទេស ដូចនេះតម្រូវការនៃការចំណាយលុយរៀលដើម្បីប្ដូរជាលុយដុល្លារគឺត្រូវចំណាយច្រើនជាងមុន។

លោកបណ្ឌិតបញ្ជាក់ថា បើទោះបីជាលុយដុល្លារឡើងថ្លៃ ក៏ប្រទេសកម្ពុជាហាក់មិនសូវរងផលប៉ះពាល់ច្រើនដែរ ដោយសារតែអាជីវកម្ម ឬផលិតកម្មនានាបានប្រើប្រាស់ដើមទុនជាលុយដុល្លារ។ មួយវិញទៀតប្រព័ន្ធអត្រាប្ដូរប្រាក់របស់កម្ពុជា ជាប្រព័ន្ធចម្រុះដែលមានការប្រើប្រាស់ទាំងលុយដុល្លារ លុយរៀល លុយបាត ឬលុយដុងជាដើម៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង