ភ្នំពេញ៖ ប្រទេសមហាអំណាចទាំងពីរគឺអាម៉េរិកនិងចិន ប្រៀបដូចជាអាណាព្យាបាលអាស៊ានពោលគឺជាដៃគូរដ៏សំខាន់មួយ ដោយចិននិងអាម៉េរិក គឺជាខ្លាសេដ្ឋកិច្ចមួយដែលជាកម្លាំងចលករនឹងជាដង្ហើមសេដ្ឋកិច្ចសម្រាប់អាស៊ានទាំងមូល។ នេះបើតាមការថ្លែងរបស់លោក ពុយ គា ក្នុងកិច្ចពិភាក្សាតុមូលស្ដីពី អាស៊ាននៅចន្លោះចិន និងសហរដ្ឋអាម៉េរិកក្នុងបរិបទថ្មី។
លោក ពុយ គា ដែលជាអ្នកជំនាញនយោបាយអន្តរជាតិបានលើកឡើងថា អាម៉េរិកនឹងចិនប្រៀបដូចជាអាណាព្យាបាលអាស៊ាន ដោយចិននឹងអាម៉េរិកគឺជាខ្លាសេដ្ឋកិច្ចមួយដែលជាចលករមួយជាដង្ហើមសេដ្ឋកិច្ចសម្រាប់អាស៊ានទាំងមូល។។ លោកបានបញ្ជាក់ថា ចិន និង អាម៉េរិក គឺជាដៃគូរសហការដ៏សំខាន់ បើទោះបីជាអាម៉េរិកនឹងចិនតែងតែប៉ះគ្នាដណ្តើមអំណាចសេដ្ឋកិច្ចលើពិភពលោកក៏ដោយក៏ប្រទេសទាំងពីរសុទ្ធតែមានចេតនាណាល្អដើម្បីបន្តពង្រឹងទំនាក់ទំនងជាមួយអាស៊ាន។
បន្ថែមពីនេះលោកបន្តថា អាស៊ានមិនអាចជ្រើសយកមហាអំណាចណាមួយជាខ្នងបង្អែកឡើយ ហើយអាស៊ានគួរតែចាប់ដៃអាម៉េរិកនឹងចិនដើម្បីបន្តរក្សាសន្តិភាពឲ្យអាស៊ាន។ លោកសង្កត់ធ្ងន់ថា បើទោះបីជាមានបញ្ហាប្រឈមជាមួយអាណាព្យាបាលទាំងពីរបន្តិចបន្តួចក្តីក៏អាស៊ាននៅតែរក្សាគោលជំហរយ៉ាងរឹងមាំ ដើម្បីដោះស្រាយវិវាទផ្សេងៗដែលកើតឡើងដោយឥតព្រៀងទុក៕
