Foton on ads news final
Cct850x100 1
Cc time 1800 x 300
San house

គម្រោងជួសជុលច្រាំងកសិន្ធុអង្គរវត្តខាងលិច គ្រោងនឹងបញ្ចប់នៅសប្ដាហ៍នេះ

ព័ត៌មានជាតិ
/
អ្នកយកព័ត៌មាន:
ជួន រស្មី
/
រូបភាព៖ អាជ្ញាធរជាតិអប្សរា

សៀមរាប៖ អាជ្ញាធរជាតិអប្សរាតាមរយៈនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ កំពុងបង្ហើយការងារនៅការដ្ឋានជួសជុលច្រាំងកសិន្ធុអង្គរវត្តខាងលិច ប៉ែកខាងត្បូងនៃស្ពានហាលជំហានទី២ សម្រេចបានជាង៩០ភាគរយហើយ ដោយគ្រោងនឹងបញ្ចប់នៅក្នុងសប្ដាហ៍នេះ។

លោក សន ចាន់ថន បុរាណវិទូ បានឱ្យដឹងថា គម្រោងជួសជុលជំហានទី២នេះសម្រេចបានជាង៩០ភាគរយហើយ ដោយគ្រោងនឹងបញ្ចប់នៅក្នុងសប្ដាហ៍នេះ។ លោកបន្តថា ជំហានទី២នេះមានប្រវែងសរុប ៦០ម៉ែត្រ ខណៈជំហានទី១ មានប្រវែង ៨០ម៉ែត្រ ដែលសរុប ១៤០ម៉ែត្រ។

តាមការបញ្ជាក់ពីលោក សន ចាន់ថន ការជួសជុលជំហានទី២នេះ ផ្នែកខ្លះមានការបាក់បែកច្រើនដោយត្រូវជួសជុល និងពង្រឹងជើងច្រាំងកសិន្ធុកុំឱ្យស្រុតធ្លាក់បន្តទៀត។ ការជួសជុលនេះ បានចាប់ផ្តើមពី ខែមីនាមក ដោយការដ្ឋានមិនបានធ្វើទំនប់ស្ទាក់ទឹកដូចការជួសជុលជំហានទី១ទេ ដោយសារជើងច្រាំងកសិន្ធុនៅទីនេះ នៅល្អប្រសើរ ហើយកន្លែងដែលរលុះខ្លាំង ក្រុមការងារជួសជុលបានដាក់ដីទប់ជើងច្រាំង ដោយមានក្រាលគ្រឹះថ្មពីក្រោមផង។

ជាមួយគ្នានេះ លោក សន ចាន់ថន បានលើកឡើងថា ក្រោយបញ្ចប់ការងារនេះរួច ក៏មានគម្រោងសម្រាប់ជួសជុលបន្តទៀតដែរ តែត្រូវរង់ចាំការសម្រេចពីថ្នាក់លើ និងថវិកាសម្រាប់ការងារនេះសិន៕

រូបភាព៖ អាជ្ញាធរជាតិអប្សរា
រូបភាព៖ អាជ្ញាធរជាតិអប្សរា


Khcct banner

អត្ថបទទាក់ទង