កំពង់ស្ពឺ៖ រថយន្តចំនួនពីរគ្រឿង នៅរសៀលថ្ងៃទី ១១ កក្កដានេះ បានបុកគ្នាយ៉ាងពេញទំហឹងនៅលើផ្លូវល្បឿនលឿនភ្នំពេញ-ព្រះសីហនុ នាំឱ្យរងការខូចខាតជាដំណំ។ករណីគ្រោះថ្នាក់ចរាចរណ៍នេះ បានកើតឡើងនៅចន្លោះគីឡូម៉ែត្រលេខ ៦៦-៦៧ ត្រង់ចំណុចភូមិកុមារពេទ្យ ឃុំអូរ ស្រុកភ្នំស្រួច ខេត្តកំពង់ស្ពឺ។
រថយន្ត ALPHARD ពណ៌ខ្មៅ ពាក់ស្លាក លេ ខ ភ្នំពេញ 2BQ-7666 (អ្នកបើកបរមិនទាន់ស្គាល់អត្តស ញ្ញាណ ) មានអ្នករួមដំណើរ០១នាក់ស្រី (មិនទាន់ស្គាល់អត្តសញ្ញាណ) បើកបរពីទិសខាងលិចទៅទិស ខា ងកើត នៅចំណែកផ្លូវខាងស្ដាំដៃ លុះមកដល់ចំណុចកើតហេតុបានបើកប្តូរទិសដៅពីផ្លូវបិទខាងឆ្វេងចូលមកផ្លូវបើកខាងស្តាំ រួចបានបុករថ យ ន្ត០១គ្រឿងទៀត ម៉ាកALPHARD ពណ៌សពាក់ស្លាកលេខព្រះសីហនុ2D-9666 (អ្នកបើកបរមិនទាន់ស្គាល់អត្តសញ្ញាណ។
ករណីនេះបណ្តាលឲ្យគ្រោះថ្នាក់អ្នកបរ និងអ្នករួមដំណើរ លើរថយន្តហើយភ្លាមៗសមត្ថកិច្ចនគរបាលចរាចរណ៍បានចុះទៅជួយសង្គ្រោះ និង បញ្ជូនជនរងគ្រោះទៅមន្ទីរពេទ្យបង្អែកត្រពាំងក្រឡឹង និងមន្ទីរពេទ្យខេត្ដបន្ដ។
ហេតុការណ៍គ្រោះថ្នាក់ចរាចរណ៍ខាងលើអ្នករួមដំណើរជាជនបរទេសប៉ុន្តែមិនស្គាល់ ឈ្មោះ និង សញ្ជាតិ នៅឡើយ ខណៈដែលបច្ចុប្បន្នរថយន្តទាំង០២គ្រឿង ត្រូវបាននគរបាល បានស្ទូចយកទៅមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីរងចាំដំណោះស្រាយពីភាគីទាំងសងខាង៕
