កងកម្លាំងរុស្ស៊ីបានវាយប្រហារយ៉ាងខ្លាំងលើគោលដៅនៅ Lisichansk

រុស្ស៊ី៖ ក្រសួងការពារជាតិរុស្ស៊ី បាននិយាយកាលពីថ្ងៃពុធថា ប្រតិបត្តិការយោធាពិសេសនៅអ៊ុយក្រែនបានដំណើរការជាមួយនឹងការវាយប្រហារគោលដៅអ៊ុយក្រែននៅ Lisichansk ខណៈដែលភាគីអ៊ុយក្រែនរាយការណ៍ពីការវាយប្រហារយ៉ាងខ្លាំងនៅក្នុងតំបន់ជាច្រើនរួមទាំង Sumy, Kharkov និង Nikolayev ។

កងកម្លាំងប្រដាប់អាវុធនៃសហព័ន្ធរុស្ស៊ី បានបន្តប្រតិបត្តិការយោធាពិសេសនៅអ៊ុយក្រែន ដែលធ្វើឲ្យ កងពលតូចទី ១០ នៃកងកម្លាំងប្រដាប់អាវុធអ៊ុយក្រែន(AFU) បានទទួលរងការខាតបង់យ៉ាងច្រើនក្នុងអំឡុងពេលវាយលុកនៅជិតរោងចក្រចម្រាញ់ប្រេង Lisichansk ។

អ្នកនាំពាក្យក្រសួងការពារជាតិរុស្ស៊ី លោក Igor Konashenkov បាននិយាយនៅក្នុងវីដេអូមួយដែលបានចេញផ្សាយថា ទាហានដែលចាប់បានពីកងពលតូចទី ១០៨ ត្រូវបានបរាជ័យទាំងស្រុង។ ដោយមានទាហានតែ ៣០ នាក់ប៉ុណ្ណោះក្នុងចំណោមទាហាន ៣៥០ នាក់ ដែលនៅសល់ក្នុងអង្គភាពនេះ។ ការវាយប្រហារដោយភាពជាក់លាក់ខ្ពស់ ដែលបាញ់ដោយកងកម្លាំងអាកាសរុស្ស៊ីបានបណ្តាលឱ្យមានការលុបបំបាត់ប៉ុស្តិ៍បញ្ជាការចំនួន៤ រួមទាំងប៉ុស្តិ៍ Kharkov-1 និង Kharkov-2 ផងដែរ។

ទីភ្នាក់ងារសារព័ត៌មានរុស្ស៊ី RIA Novosti បានរាយការណ៍ថា កងកម្លាំង Luhansk បានអះអាងថា បានគ្រប់គ្រងផ្លូវសំខាន់ៗទាំងអស់នៅទីក្រុង Lisichansk ប៉ុន្តែកងទ័ពអ៊ុយក្រែននៅតែព្យាយាមបន្តទៅមុខតាមបណ្តោយផ្លូវជនបទជាច្រើន។

ទីភ្នាក់ងារសារព័ត៌មានជាតិអ៊ុយក្រែនបានរាយការណ៍ថា ក្នុងរយៈពេល ២៤ ម៉ោងកន្លងមកនេះ ទីក្រុង Sumy, Kharkov និង Nikolayev ស្ថិតនៅក្រោមការបាញ់ផ្លោង និងការវាយប្រហារដោយមីស៊ីលដ៏ធំរបស់កងកម្លាំងរុស្ស៊ី។ ហើយកងទ័ពរុស្ស៊ីបានបន្តការវាយប្រហាររបស់ខ្លួនក្នុងទិសដៅនៅ Volcheyarovka និង Kamenka ដោយព្យាយាមឡោមព័ទ្ធទីក្រុង Lisichansk ៕