Cc time
Cct850x100 1
Itt 0  web banner

អ្នកសង្កេតការណ៍ជាតិ៧២ស្ថាប័ន និងអន្តរជាតិ៤ស្ថាប័នត្រូវបានគ.ជ.ប ទទួលស្គាល់ជាផ្លូវការ

ព័ត៌មានជាតិ
/
អ្នកយកព័ត៌មាន:
ហួ ឆេងស៊ីម
/

ភ្នំពេញ៖ អ្នកសង្កេតការណ៍ជាតិចំនួន៧២ស្ថាប័ន និងអ្នកសង្កេតការណ៍អន្តរជាតិចំនួន៤ ស្ថាប័ន ត្រូវបានគ.ជ.ប ប្រកាសទទួលស្គាល់ សម្រាប់ការចូលរួមសង្កេតការណ៍ បោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី០៥ ខែមិថុនា ឆ្នាំ២០២២ នេះ។ នេះបើតាមលទ្ធផលបណ្តោះអាសន្ន ដែលប្រកាសដោយគ.ជ.ប។

បើតាមសេចក្តីប្រកាសក៏មានការបញ្ជាក់ដែរថា ទោះជាយ៉ាងនេះក្តី គណៈកម្មាធិការជាតិរៀបចំការបើឆ្នោត កំពុងបន្តពិនិត្យលើការស្នើសុំចុះសង្កេតការណ៍ជាតិ និងអន្តរជាតិមួយចំនួនទៀត។ ក្រៅពីមានអ្នកសង្កេតការណ៍ជាតិ និងអន្តរជាតិទាំងនោះ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ នៅអាណត្តិទី៥នេះ ក៏មានភ្ញៀវពិសេសចំនួន៤ផងដែរ ត្រូវបានគ.ជ.បសម្រេចទទួលស្គាល់ជាផ្លូវការឱ្យចូលពិនិត្យការបោះឆ្នោតនេះដែរ ជាពិសេសស្ថានទូតជប៉ុនប្រចាំនៅកម្ពុជា និងស្ថានទូតអូស្រ្តាលីប្រចាំនៅកម្ពុជា ខណៈដែលស្ថានទូតរុស្ស៉ី គ.ជ.ប កំពុងពិនិត្យបន្ថែម។

គួរបញ្ជាក់ថា សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នេះ មានឃុំសង្កាត់សរុបចំនួន១៦៥២ និងការិយាល័យបោះឆ្នោតសរុបចំនួន ២៣,៦០២ ការិយាល័យ ហើយពលរដ្ឋដែលមានឈ្មោះក្នុងបញ្ជីបោះឆ្នោតមានសរុបចំនួន ៩,២០៥,៦៨១នាក់ ស្មើនឹង ៨៧,៩៤ ភាគរយនៃប្រជាជនកម្ពុជាទាំងអស់ ក្នុងនោះមានស្រីចំនួន ៤,៩០៤,៨៣២នាក់ និងការិយាល័យបោះឆ្នោតសរុបចំនួន ២៣,៦០២ ការិយាល័យ៕


Khcct banner

អត្ថបទទាក់ទង