Cc time
Cct850x100 1
Itt 0  web banner

ស្រីលង្កាស្វែងរកកញ្ចប់បំណុល៣ពាន់លានដុល្លារបន្ថែមទៀតក្រោមមូលនិធិIMF

អន្តរជាតិ
/
អ្នកយកព័ត៌មាន:
កូ រដ្ឋា
/
ស្ត្រី​ម្នាក់​រំកិល​ធុង​ហ្គាស ចំ​ពេល​មាន​វិបត្តិ​សេដ្ឋកិច្ច​ក្នុង​ប្រទេស​ក្នុង​ទីក្រុង Colombo ប្រទេស​ស្រីលង្កា ថ្ងៃទី ១ ខែមិថុនា ឆ្នាំ ២០២២

កូឡុំបូ៖ ប្រទេសស្រីលង្កាកំពុងពិភាក្សាជាមួយមូលនិធិរូបិយវត្ថុអន្តរជាតិ (IMF) ដើម្បីខ្ចីប្រាក់យ៉ាងហោចណាស់ ៣ ពាន់លានដុល្លារបន្ថែម តាមរយៈគ្រឹះស្ថានផ្តល់ប្រាក់កម្ចីបន្ថែម (EEF) របស់អ្នកផ្តល់ប្រាក់កម្ចី។ នេះបើយោងតាមការចុះផ្សាររបស់កាសែតរ៉យទ័រ។

រដ្ឋាភិបាលនៃប្រទេសស្រីលង្ការំពឹងថានឹងមានកិច្ចពិភាក្សាបច្ចេកទេសមួយផ្សេងទៀតជាមួយ IMF នៅដើមខែមិថុនា ហើយសង្ឃឹមថានឹងឈានដល់កិច្ចព្រមព្រៀងនៅចុងខែនេះដើម្បីដោះស្រាយបញ្ហាសេដ្ឋកិច្ចដែលកំពុងតែជាប់គាំង។

ដោយឡែកប្រទេសស្រីលង្កាបានស្នើសុំផែនការកម្ជីបន្ថែមដើម្បីយកឈ្នះវិបត្តិសេដ្ឋកិច្ចដ៏អាក្រក់បំផុតរបស់ខ្លួនចាប់តាំងពីឯករាជ្យនៅឆ្នាំ ១៩៤៨ ដោយបានសងបំណុលក្រៅប្រទេសមួយចំនួនកាលពីដើមឆ្នាំនេះ ហើយកំពុងតស៊ូក្នុងការចំណាយសម្រាប់ការនាំចូលមូលដ្ឋានដូចជាប្រេងឥន្ធនៈ និងថ្នាំពេទ្យ។

ទន្ទឹមនិងនេះកម្មវិធី EFF ដែលនឹងក្លាយជាផែនការ IMF លើកទី ១៧ សម្រាប់ប្រទេសមួយនេះ តម្រូវឱ្យប្រទេសនានាធ្វើកំណែទម្រង់សេដ្ឋកិច្ចរចនាសម្ព័ន្ធ "ដើម្បីកែតម្រូវភាពទន់ខ្សោយដែលចាក់ឫសយ៉ាងជ្រៅ" នេះបើយោងតាមគេហទំព័ររបស់ IMF ។ កម្មវិធីទាំងនេះជាធម្មតាមានរយៈពេល ៣ ឆ្នាំជាមួយនឹងរយៈពេលអនុគ្រោះរយៈពេល ៤ ឆ្នាំកន្លះ ដើម្បីចាប់ផ្តើមសងប្រាក់កម្ចីវិញ នៅពេលដែលផែនការនេះត្រូវបានអនុម័ត។ កិច្ចព្រមព្រៀងតម្លៃ ៣ ពាន់លានដុល្លារនឹងតំណាងឱ្យជិត ៤ ដងរបស់ប្រទេសនេះជាមួយ IMF ។

គួរបញ្ជាក់ថារដ្ឋាភិបាលស្រីលង្កាបានប្រកាសកាលពីថ្ងៃអង្គារពីការដំឡើងពន្ធដើម្បីជំរុញប្រាក់ចំណូល ដំឡើងពន្ធសាជីវកម្ម និងដំឡើងអត្រាពន្ធលើតម្លៃបន្ថែម (VAT) ដល់ ១២ ភាគរយពី ៨ ភាគរយដោយមានប្រសិទ្ធភាពភ្លាមៗ។ ប្រទេសស្រីលង្កាថ្មីៗនេះបានតែងតាំងទីប្រឹក្សាផ្នែកហិរញ្ញវត្ថុ និងផ្នែកច្បាប់ ដើម្បីចាប់ផ្តើមកិច្ចពិភាក្សាជាមួយម្ចាស់បំណុល និងអ្នកផ្តល់ប្រាក់កម្ចីទ្វេភាគី ដូចជាប្រទេសចិន និងជប៉ុនផងដែរ៕

Khcct banner

អត្ថបទទាក់ទង