ប៉ាឡេស្ទីន៖ ប្រជាជនអ៊ីស្រាអែលរាប់ម៉ឺននាក់បានប្រារព្ធពិធីដង្ហែរក្បួន "ទិវាក្រុងហ្សេរូសាឡឹម" នៅថ្ងៃទី ២៩ ដោយបង្កឱ្យមានការប៉ះទង្គិចគ្នារវាងបាតុករប៉ាឡេស្ទីន និងប៉ូលីសយោធាអ៊ីស្រាអែល ហើយប្រជាជនប៉ាឡេស្ទីនប្រហែល ២០០ នាក់បានរងរបួស។
ប្រជាជនអ៊ីស្រាអែលបានប្រារព្ធពិធីដង្ហែរក្បួននៅទីក្រុងហ្សេរូសាឡឹម ដើម្បីរំលឹកដល់ការដណ្តើមកាន់កាប់របស់អ៊ីស្រាអែលលើទីក្រុងហ្សេរូសាឡឹមក្នុងសង្រ្គាមមជ្ឈិមបូព៌ាលើកទីបីក្នុងឆ្នាំ ១៩៦៧។ ប្រភពពីប៉ូលីសអ៊ីស្រាអែល បាននិយាយថា ជនជាតិអ៊ីស្រាអែលប្រហែល ៧០,០០០ នាក់បានចូលរួមក្នុងការហែក្បួន ហើយប៉ូលីសបានដាក់ពង្រាយប៉ូលីសប្រហែល ៣,០០០ នាក់នៅក្នុងទីក្រុងហ្សេរូសាឡឹម ។
ប្រព័ន្ធផ្សព្វផ្សាយអ៊ីស្រាអែល បានរាយការណ៍ថា ជនជាតិប៉ាឡេស្ទីនបានធ្វើការតវ៉ា ក្នុងអំឡុងពេលដើរហែរ ហើយបន្ទាប់មកក្រុមបាតុករប៉ាឡេស្ទីន បានប៉ះទង្គិចជាមួយប៉ូលីសអ៊ីស្រាអែល។
យោងតាមអឌ្ឍចន្ទក្រហមប៉ាឡេស្ទីន បានឲ្យដឹងថា មានជនជាតិប៉ាឡេស្ទីនជាច្រើននាក់ បានរងរបួសនៅក្នុងការប៉ះទង្គិចគ្នានៅក្រុងហ្សេរូសាឡឹមនេះ៕