ភ្នំពេញ៖ បើគ្មានអ្វីប្រែប្រួលនោះទេ នៅថ្ងៃទី២៩ ឧសភានេះ ក្រុមអ្នកជំនាញនឹងបើកកិច្ចពិភាក្សាតុមូលស្តីពី «ការប្រឈមមុខដាក់គ្នាខាងភូមិសាស្ត្រនយោបាយរវាងចិននិងសហរដ្ឋអាមេរិក»។ គោលបំណងនៃកិច្ចពិភាក្សានេះគឺ ដើម្បីរួមចំណែកបកស្រាយពីមូលហេតុ និងគោលបំណងនៃការប្រឈមមុខដាក់គ្នាខាងភូមិសាស្ត្រនយោបាយរវាងមហាអំណាចទាំងពីរ និង ផលវិបាកនានា ដែលអាចកើតមានពីការប្រឈមមុខដាក់គ្នានេះ។
នៅក្នុងកិច្ចពិភាក្សានេះដែរ កម្ពុជាក៏មានវាគ្មិនសំខាន់ៗចំនួន៤នាក់ ដែលនឹងចូលរួម៖ ១. លោកសាស្ត្រាចារ្យបណ្ឌិត ដៀប សុផល អ្នកស្រាវជ្រាវ និងជាសាស្ត្រាចារ្យប្រវត្តិសាស្ត្រ ២. លោក ពុយ គា អ្នកឆ្លើយឆ្លងព័ត៌មានរបស់ទីភ្នាក់ងារព័ត៌មានជប៉ុន ក្យូដូ ប្រចាំប្រទេសកម្ពុជា ៣. ឯកឧត្តមបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា ៤. ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។
