តូក្យូ៖ ប្រធានាធិបតីអាមេរិក លោក ចូបៃដិន ព្រមានចិនក្នុងការប្រើប្រាស់កម្លាំងយោធា ដើម្បីការពារតៃវ៉ាន់ប្រឆាំងនឹងការឈ្លានពានរបស់ចិន។ ការព្រមានរបស់មេដឹកនាំអាម៉េរិករូបនេះធ្វើឡើងនៅក្នុងដំណើរទស្សនកិច្ចរបស់លោកទៅជប៉ុន។
លោកចូបៃដិនបានគូសបញ្ជាក់ថា ក្រុងវ៉ាស៊ីនតោនត្រូវបានតម្រូវដោយច្បាប់ដើម្បីផ្តល់ឱ្យតៃវ៉ាន់នូវមធ្យោបាយដើម្បីការពារខ្លួន ហើយអាម៉េរិកបានអនុវត្តតាមគោលនយោបាយនៃ "ភាពមិនច្បាស់លាស់ជាយុទ្ធសាស្រ្ត" ជាយូរមកហើយថាពេលនេះយើងនឹងប្រើគ្រប់មធ្យោបាយយោធាដើម្បីធានាសុវត្ថភាពជូនតៃវ៉ាន់។
លោក បៃដិន បានធ្វើការកត់សម្គាល់នៅក្នុងសន្និសីទសារព័ត៌មានរួមគ្នាជាមួយនាយករដ្ឋមន្ត្រីជប៉ុន Fumio Kishida នៅទីក្រុងតូក្យូ ដោយជំនួយការម្នាក់បាននិយាយថា សេចក្តីថ្លែងការណ៍របស់ប្រធានាធិបតីតំណាងឱ្យមិនមានការផ្លាស់ប្តូរនៅក្នុងជំហររបស់អាមេរិកដែលមានរយៈពេលយូរចំពោះកោះតៃវ៉ាន់ដែលចិនអះអាងថាជារបស់ខ្លួននោះទេ។
អ្នកកាសែតម្នាក់បានសួរលោក Biden ថាតើសហរដ្ឋអាមេរិកនឹងការពារកោះតៃវ៉ាន់ទេ ប្រសិនបើវាត្រូវបានវាយប្រហារ លោកបៃដិនឆ្លើយថា "បាទ" ពិតណាស់អាម៉េរិកនឹងការពារតៃវ៉ាន់ពីការឈ្លានពានរបស់ប្រទេសណាមួយ។
អ្នកនាំពាក្យក្រសួងការបរទេសចិន លោក Wang Wenbin បានឆ្លើយតបទៅអាម៉េរិកភ្លាមៗវិញថាប្រទេសចិននឹងការពារផលប្រយោជន៍របស់ខ្លួនជាមួយនឹងកម្លាំងនៃប្រជាជនចំនួន ១.៤ ពាន់លាននាក់របស់ខ្លួន។ លោកបានបន្ថែមថា "គ្មាននរណាម្នាក់មើលស្រាលការតាំងចិត្តដ៏ម៉ឺងម៉ាត់ ឆន្ទៈដ៏មុតមាំ និងសមត្ថភាពដ៏រឹងមាំរបស់ប្រជាជនចិនក្នុងការការពារអធិបតេយ្យភាពជាតិ និងបូរណភាពទឹកដីនោះទេ"៕
