ធនាគារឡាវជំរុញឲ្យពលរដ្ឋប្រើប្រាស់លុយជាតិជំនួនដុល្លារ

វៀងច័ន្ទ៖ធនាគារនៃប្រទេសឡាវបានជំរុញឲ្យប្រជាពលរដ្ឋនៅក្នុងប្រទេសងាកមកប្រើប្រាស់រូបិយបណ្ណជាតិដើម្បីជួយសម្រួលដល់វិបត្តិសេដ្ឋកិច្ចឡាវព្រមទាំងកាន់បន្ថយបំណុលអន្តរជាតិ ការប្រកាសអំពាវនាវរបស់ធនាគាឡាវនេះធ្វើឡើងបន្ទាប់ពីប្រទេសឡាវកំពុងតែបន្តប្រឈមមុខនិងវិបត្តិសេដ្ឋកិច្ចនិងបំណុលអន្តរជាតិដ៏ធ្ងន់ធ្ងរនិងពុំធ្លាប់មានពីមុនមក។

ទេសាភិបាលធនាគារកណ្តាលឡាវ លោក សុន ណៃ បាននិយាយនៅក្នុងសន្និសីទសារព័ត៌មានកាលពីម្សិលមិញថា កូវីដ១៩ បានជះឥទ្ធិពលយ៉ាងខ្លាំងដល់រូបិយបណ្ណអន្តរជាតិ ដោយប្រាក់ដុល្លារអាមេរិកបានរួមចំណែកដល់អតិផរណាពិភពលោក និងការប្រែប្រួលតម្លៃប្រេងជាខ្លាំងដែលប៉ះពាលដល់សេដ្ឋកិច្ចរបស់ប្រទេសឡាវជាខ្លាំង។លោក សុន ណៃ បានបន្តថា ប្រជាជនឡាវនៅតែបន្តនាំចូលទំនិញប្រណីតៗ ខណៈអាជីវកម្មប្តូរប្រាក់ខុសច្បាប់បានជំរុញឲ្យអត្រាប្តូរប្រាក់ឡើងដល់កម្រិតប្រកាសអាសន្ន។ លោកបន្ថែមថា ក្នុងការប៉ុនប៉ងដើម្បីគ្រប់គ្រងរូបិយប័ណ្ណក្នុងស្រុកដែលធ្លាក់ចុះ ធនាគារនៃប្រទេសឡាវនឹងព្យាយាមអនុវត្តវិធានការថ្មីមួយចំនួនដោយនិងប្រើប្រាស់ឧបករណ៍គោលនយោបាយសារពើពន្ធ ដូចជាការកែសម្រួលអត្រាការប្រាក់ និងអត្រាប្រាក់បញ្ញើមានកាលកំណត់ ក៏ដូចជាការធានាថាការចេញមូលបត្របំណុល ។

ទន្ទឹមនឹងនេះ ការបង្ក្រាបអាជីវកម្មប្តូររូបិយប័ណ្ណនឹងត្រូវបានអនុវត្ត ហើយអ្នកដែលផ្តល់អត្រាប្តូរប្រាក់ ឬទិញលក់រូបិយប័ណ្ណដោយបំពាននឹងបទប្បញ្ញត្តិនឹងត្រូវផ្អាក ឬដកហូតអាជ្ញាប័ណ្ណ។ ទេសាភិបាលលោក BOL ស្នើឱ្យធនាគារពាណិជ្ជមានទំនួលខុសត្រូវបន្ថែមទៀតសម្រាប់ការរួមចំណែករបស់ពួកគេក្នុងការគ្រប់គ្រងរូបិយប័ណ្ណបរទេស ខណៈដែលធនាគារនៃសាធារណរដ្ឋប្រជាមានិតឡាវនឹងបន្តចាត់វិធានការដើម្បីនាំយករូបិយប័ណ្ណបរទេសបន្ថែមទៀតចូលទៅក្នុងប្រព័ន្ធធនាគារ។ លោកបន្ថែមថា ពាណិជ្ជករនៅតំបន់ព្រំដែនគួរតែត្រូវបានលើកទឹកចិត្តឱ្យចាប់ផ្តើមប្រើប្រាស់រូបិយប័ណ្ណក្នុងស្រុកជំនួសរូបិយប័ណ្ណបរទេសដូចជាប្រាក់ដុងវៀតណាម ឬប្រាក់យន់ចិន នេះបើយោងតាមសំណើរបស់ធនាគារឡាវ។

ជាមួយគ្នានេះដែរ ធនាគារឡាវក៏ទទួលស្គាល់ពីតម្រូវការក្នុងការអភិវឌ្ឍយុទ្ធសាស្ត្រ និងកែលម្អច្បាប់ទាក់ទងនឹងការគ្រប់គ្រងបំណុលបរទេស ជាពិសេសបំណុលដែលកាន់កាប់ដោយអ្នកវិនិយោគ និងវិស័យឯកជនក្នុងស្រុក ដើម្បីទប់ស្កាត់ការបង្កើតបំណុលបរទេសដែលគ្មាននិរន្តរភាព៕